स्टुडिओमध्येच तयार झाला ‘जंगल बुक’

७ एप्रिलला रिलीज झालेल्या द जंगल बुक सिनेमाने भारतात आतापर्यंत १५५ कोटी रु पयांपेक्षा अधिक कमाई केली आहे. दिग्दर्शक जॉन फेवराऊच्या या सिनेमात नील सेठीने मोगलीचे पात्र साकारले आहे. सिनेमात आपल्याला अनेक सुंदर आणि डोळे दिपवणारे लोकेशन्स पाहायला मिळतात. जंगल, झरे, नद्या आणि प्राण्यांनी या सिनेमाचे व्हिज्युअल सुंदर बनवले आहे. तुम्हाला माहित झाल्यास आश्चर्य वाटेल, दिग्दर्शक जॉन फेवराऊ, सुपरव्हाइजर रॉब लेगेटो आणि द जंगल बुकच्या टीमने सिनेमाचे संपूर्ण शूटिंग लॉस एंजिलिसच्या एका चार भिंतीच्या स्टुडिओमध्ये केले. टीमने नील सेठीच्या जवळ केवळ क्र ोमा मदतीने संपूर्ण जग वसवले. ८०० कम्प्युटर आर्टिस्टच्या टीमने जवळपास एक वर्षांत नील सेठीच्या अवतीभोवती ५० प्रजातीचे प्राणी, जंगल, झरे, झाडे-झुडपे, पाणी, आग आणि पृथ्वीची निर्मिती केली. लंडनची एमपीसी (द मूविंग पिक्चर कंपनी) कंपनी सुरु वातीपासून सिनेमाशी निगडीत होती. सिनेमाच्या संपूर्ण शूटिंगदरम्यान लंडनहून लॉस एंजिलिसला आलेल्या टीमने प्रत्येक फ्रेमवर काम केले. एमपीसीने बल्लू, मोगलीची फॅमिली, बघीरा, शेर खानसह प्रत्येक पात्राला व्हीएफएक्सच्या माध्यमातून बनवले.