- मोहिनी घारपुरे - देशमुख
हल्ली सगळीकडेच कॉर्पोरेट कल्चरची चलतीआणि आहे. जात, धर्म यांपलिकडे जाऊन ग्लोबल मार्केटमध्ये कॉम्पिटिटीव्ह राहण्यासाठी आवश्यक त्या सगळ्या बाबीवर हे कल्चर अधिक लक्ष केंद्रीत करत आहे. बुद्धीमत्तेबरोबरच व्यक्तिमत्त्व विकास हे या कॉर्पोरेट कल्चरचं बेसिक सूत्र आहे. त्यामुळेच एकंदरीतच कॉर्पोरेटचा भाग असणाऱ्या मुलामुलींनी आपल्या पेहेरावावर विशेष लक्ष द्यावं असं फॅशन जग सांगतं. आणि म्हणूनच फॅशनच्या या जगात कॉर्पोरेट वेअर, कॉर्पोरेट कुर्तीज असं एक नवं सेगमेंट नव्यानं आपली जागा निर्माण करत आहे.
अशा असतात कॉर्पोरेट कुर्तीज
एरवी खरंतर लो नेक, आॅफ शोल्डर, बॅकलेस कुर्तीज आणि सलवार सूट्सलाच तरूणींची पसंती असते मात्र आॅफीसला जाताना स्मार्ट आणि टॅलेण्टेड दिसण्यासाठी पोषाखही तसाच आकर्षक असावा यासाठी कॉर्पोरेट लुक कॅरी करण्यास तरूणी प्राधान्य देतात. यामध्ये विशेषत: स्टॅण्ड कॉलर, थ्रीफोर्थ स्लीव्ह्स, फ्रंट बटन्स, सिंपल रिच फॅब्रिक अशा प्रकारच्या पोषाखाला प्राधान्य दिलं जातं. गडद रंगांपेक्षाही सिंपल सोबर रंगांची निवड हमखास केली जाते. तसंच खादीच्या कपड्यांनाही प्राधान्य दिलं जातं किंवा अगदी अधेमधे मरून, डार्क ब्ल्यू, सिल्व्हर वगैरे रंगांचे कपडे एस्थेटीक सेन्स वापरून वापरले तरीही छान दिसतात.
जीन्स नको ट्राऊझर हवी
कशीही वापरली तरीही चालणारी जीन्स आॅफीसला जाताना मात्र वापरल्यास अगदीच कॅज्युअल लुक येऊ शकतो. कॉर्पोरेट लुक कॅरी करायचा असेल तर बाजारात अनेक प्रकारच्या ट्राऊझर्स उपलब्ध आहेत त्यांपैकी कोणतीही योग्य त्या मापातली आणि योग्य त्या फिटींगचीच ट्राऊझर वापरा. काळ्या, पांढर्या, निळ्या, राखाडी आणि मिल्ट्री ग्रीन कलरच्या ट्राऊझर्स शोभून दिसतात.
एवढं लक्षात ठेवाच!
*आॅफीसमध्ये अन्य सहकाऱ्यांचं लक्ष विचलित होईल असे कोणतेही कपडे घालूच नका. तसंच बांगड्या, मोठे मोठे कानातले, घुंगरू लावलेल्या ओढण्या किंवा कानातले वगैरे तर अजिबातच नकोत. त्यामुळे कामात लक्ष लागत नाहीच तसेच तुमच्या व्यक्तिमत्त्वातील बुद्धीपेक्षा सौंदर्यालाच अधिक महत्त्व मिळण्याची शक्यता नाकारता येत नाही
* आॅफिसमध्ये जाताना खूप आवाज करणाऱ्या चपला, बूट, सॅण्डल्स घालणंही टाळा.
*फार डीप नेक, स्लीव्हलेस कपडे वगैरे घालणं शक्यतो टाळा, त्याऐवजी स्टॅण्ड कॉलर, हाय नेक किंवा सिंपल सोबर कपडे घाला.