- माधुरी पेठकर एखाद्या पिझ्झा रेस्टॉरण्टमध्ये गर्दी का होते? असा प्रश्न विचारला तर लगेच उत्तर मिळेल. ‘सोपं आहे , तिथला पिझ्झा चवीला एकदम बेस्ट असेल म्हणून तिथे गर्दी असेल!’पण हे उत्तर इतर कोणत्याही रेस्टॉरण्टसाठी असतं तर बरोबर ठरलं असतं. पण पाकिस्तानातील मुलतान शहरातील ‘पिझ्झा डॉट कॉम’ या रेस्टॉरण्टसाठी म्हणाल तर उत्तर चुकीचं आहे. कारण इथे लोकं नुसते जेवणासाठी किंवा पिझ्झा खाण्यासाठीच येतात असं नाही तर या रेस्टॉरण्टमधील वेट्रेस बघण्यासाठी, त्यांनी सर्व्ह केलेला पिझ्झा खाण्यासाठी मुलतान शहरातूनच नाही तर आजूबाजूच्या शहरातूनही लोक आवर्जून येतात. तासनतास रेस्टॉरण्टच्या बाहेर रांगा लावून आपला नंबर येण्याची वाट पाहात राहतात. आता या वेट्रेसमध्ये एवढं काय आहे? असं विचाराल तर या वेटे्रस मानवी नसून रोबोट आहेत. या रोबोट वेट्रेसपिझ्झाची आॅर्डर त्या त्या टेबलवर बिनचूकपणे पोहोचवतात आणि परत आपल्या जागेवर जावून उभ्या राहतात. म्हणून हा सगळा कौतुकाचा आणि कुतुहलाचा विषय.
आता तर सय्यद अझिझ अहेमद जाफरी हे मुलतान शहरात आणखी एक रेस्टॉरण्ट उघडून तिथे तीन ते चार रोबेटिक वेट्रेस सर्व्हिंगसाठी ठेवणार आहेत.
ओसामानं बनवलेल्या या रोबेटिक वेटे्रसचं वजन 25 किलो असून ती 5 किलो वजनाच्या फूड आॅर्डर सर्व्ह करू शकते. ही रोबेटिक वेटे्रस तिच्या मार्गात आलेल्या अडथळ्यांना ओळखू शकते आणि ‘मला पुढे जायला जागा द्या’ अशी विनंती करून पुढेही जावू शकते. या रोबेटिक वेटे्रसमधला युनिक सर्व्हर हा मेटलचा असून डोक्याखालचा पूर्ण भाग ह फायबरग्लासचा बनवला आहे. आणि इतर इलेक्ट्रॉनिक्स साधनं तिला लावण्यात आली आहे.
ही रोबोट वेट्रेस पिझ्झा आॅर्डर त्या त्या टेबलवर सर्व्ह करू शकते. मात्र ती आॅर्डर घेवू शकत नाही. पुढे जावून तिच्यात ही सुधारणा करण्याची ओसामाची इच्छा आहे. ओसामानं रोबोट वेट्रेसच का बनवली? हा प्रश्न जो तो विचारतो आहे पण यामागचं कारण तांत्रिक असल्याचं ओसामाचं म्हणणं आहे. रोबोटचं शरीर स्त्री शरीर ठेवल्यानं मशीनला वजन बॅलन्स करायला सोपं जातं. ओसामानं रोबोट वेट्रेस आहे हे दाखवण्यासाठी तिला पेहराव तसाच दिला असून तिच्या गळ्यात स्कार्फही घातला आहे. सध्या तर लहान मुलंच नाही तर मोठी माणसंही ही रोबोट वेट्रेसत्यांच्या टेबलजवळ सर्व्हिंगसाठी आली की तिच्यासोबत सेल्फी काढून इतरांना फॉरवर्ड करण्याची हौस भागवता आहेत.