​मुख्यमंत्रींची पत्नी अमृता फडणवीसचा न्यूयॉर्कमध्ये रॅम्प वॉक !

 गरीब मजूरांनी बनवलेली हँडलूम वस्त्रे परिधान करुन महाराष्ट्राचे मुख्यमंत्री देवेंद्र फडणवीस यांच्या पत्नी अमृता फडणवीस यांनी जगातील प्रतिष्ठीत न्यूयॉर्क फॅशन वीकमध्ये चक्क रॅम्प वॉक करुन सर्वांनाच आश्चर्यचकित केले. जेव्हा शो स्टॉपर म्हणून अमृता फडणवीस रॅम्पवर उतरल्या आणि सर्वांचे लक्ष आपल्याकडे वेधून घेतले. भारतीय हँडलूमच्या प्रमोशनसाठी आणि ‘एज्युकेट द चाईल्ड’ या सामाजिक कायार्साठी त्यांनी या फॅशन शोमधे सहभाग घेतला. मुलींच्या शिक्षणाविषयी जागृती करण्यासाठी अमृता फडणवीस यांनी उचललेले महत्वाचे पाऊल आहे. पुणे येथील चासा फॅशन इन्स्टिट्यूटचे विद्यार्थी हे शेतकरी, कामगार यासारख्या गरीब पार्श्वभूमी असलेल्या कुटुंबातील आहेत. त्यांनी तयार केलेली हँडलूम वस्त्रे परिधान करुन अमृता फडणवीस रॅम्पवर उतरल्या होत्या.