लढवय्याची शोकांतिका

अप्पर महासंचालक हिमांशू रॉय यांची आत्महत्या पोलीस दलच नव्हे, तर राज्यातील समस्त जनतेसाठी धक्कादायक व चटका लावणारी बाब ठरली आहे.

देशातील सर्वोत्कृष्ट तपास पथकांपैकी एक असलेल्या महाराष्टÑ दहशतवादविरोधी पथकाचे माजी प्रमुख व अप्पर महासंचालक हिमांशू रॉय यांची आत्महत्या पोलीस दलच नव्हे, तर राज्यातील समस्त जनतेसाठी धक्कादायक व चटका लावणारी बाब ठरली आहे. कर्तबगार व धडाडीचा आयपीएस अधिकारी असा लौकिक असलेल्या या अधिकाऱ्याच्या तीन दशकांच्या कारकिर्दीचा शेवट अशा दुर्दैवी पद्धतीने व्हावा, ही शोकांतिका म्हणावी लागेल. एखाद्या चित्रपटातील नायक व त्यातील पोलीस अधिकाºयाच्या प्रतिमेला साजेशी भरभक्कम शरीरयष्टी असलेल्या हिमांशू रॉय यांनी महाराष्टÑ पोलीस दलातील विविध जबाबदाºया समर्थपणे सांभाळताना अनेक कठीण व गुंतागुंतीचे गुन्हे, घटनांची यशस्वीपणे उकल केली होती. गेल्या अडीच-तीन वर्षांपासून बळावलेल्या हाडाच्या कर्करोगाला वेसण घालणे जमले नाही. खरेतर, जिगरबाज वृत्तीमुळे ते या आजारावरही मात करतील, अशीच पोलीस वर्तूळ व त्यांच्या परिचितांना खात्री होती. मात्र त्यातून निर्माण झालेल्या वैफल्यग्रस्ततेवर मात करण्यात हा झुंजार अधिकारी अपयशी ठरला. १९८८च्या आयपीएस तुकडीचे अधिकारी असलेल्या हिमांशू रॉय यांनी अनेक ‘हायप्रोफाइल’ गुन्ह्यांची उकल केली. नाशिकमध्ये असताना त्यांच्या वैयक्तिक जीवनाबद्दल आरोपही झाले. मात्र त्यांनी त्याचा आपल्या कामावर परिणाम होऊ दिला नाही. परिणामी, अनेक महत्त्वपूर्ण पोस्टिंग त्यांनी यशस्वीपणे पूर्ण करीत टीकाकारांची तोंडे बंद केली. मुंबई गुन्हे अन्वेषण शाखेचे प्रमुख म्हणून जबाबदारी सांभाळताना गुन्हेगारी टोळ्यांवर त्यांनी वचक बसविला होता. त्याचबरोबर आयपीएलमधील मॅचफिक्सिंग, पत्रकार जे. डे हत्याकांड प्रकरणाचा तपासही कौशल्याने केला. अनेक प्रकारचा दबाव असतानाही त्यांनी कुशलतेने त्याचा तपास केला. त्यांच्यामुळे सध्या परदेशात फरारी असलेल्या ललित मोदीचे काळे कारनामे चव्हाट्यावर आले. त्याशिवाय २६/११च्या हल्ल्यातील आरोपी अजमल कसाब याच्या खटल्याच्या सुनावणीवेळी तपास अधिकाºयांना केलेले मार्गदर्शन खूप मोलाचे ठरले होते. एटीएसचे प्रमुख म्हणून काम करताना त्यांनी अनेक अतिरेक्यांना जेरबंद करीत कट उघडकीस आणले होते. खात्यातील सहकाºयांबरोबरच कॉन्स्टेबल वर्ग आणि सामान्य जनतेशी आपुलकीने वागत त्यांच्या तक्रारी, प्रश्न सोडविण्यासाठी ते वरिष्ठ पद बाजूला ठेवून कायम पुढाकार घेत असत. महाराष्टÑ पोलीस दलातील खराखुरा दबंग व जिंदादिल अधिकारी म्हणून हिमांशू रॉय यांचे नाव कायमच घेतले जाईल. त्यांच्या धक्कादायक निधनाने कर्तव्यकठोर आदर्श अधिकाºयाला मुकल्याची जाणीव होत आहे. त्यांनी हे टोकाचे पाऊल उचलले नसते तर त्यांची आणखी तेजस्वी कारकिर्द पाहावयास मिळाली असती अशी आशावादी भावनाही तमाम अधिकाºयांच्या मनाला स्पर्शून गेली हेही तितकेच सत्य आहे.