प्रभू येशूच्या जन्माचे होणार स्वागत 

सांस्कृतिक कार्यक्रमांची मेजवाणी : कॉन्व्हेंटचे विद्यार्थी करणार भगवान येशू जन्मावर नाटीका सादर 

लोकमत न्यूज नेटवर्कधुळे : ख्रिस्ती बांधवांसाठी आनंदपर्व असणाºया नाताळ सणाची तयारी पूर्ण झाली आहे. घरोघरी आणि प्रार्थनास्थळांमध्ये धार्मिक प्रवचन, गाणी, कथा, नाटकासाठी चिमुकल्यांसह युवा-युवतींनी तयारी पूर्ण केली आहे.  ख्रिसमसची तयारी पूर्ण झाली असून, सोमवारी मध्यरात्रीनंतर या नाताळ साजरा करण्यासाठी उत्साहाला उधाण येणार आहे. येशू जन्माचा आनंद साजरा करण्यासाठी चर्चमध्येही रंगरंगोटी व रोशणार्ई करण्यात आली आहे़ तसेच  प्रार्थना आणि धार्मिक सांस्कृंतिक, पारंपरिक कार्यक्रमांचे आयोजन करण्यात आले आहे़ सोमवारी मध्यरात्रीनंतर घरोघरी पारंपरिक प्रार्थना आणि फटाक्यांची आतषबाजी होणार आहे़चिमुकल्याचंी नाटिकाशहरातील अनेक चर्चमध्ये सोमवारी आणि मंगळवारी कॉन्व्हेंटचे विद्यार्थी भगवान येशू जन्मावर नाटिका सादर करणार आहे़ ख्रिश्चन बांधवासाठी दिवाळीप्रमाणे  नाताळ सणाचे महत्व असते़ म्हणून प्रत्येकाकडे चकली, करंजी, लाडू, डोनस आदी विविध गोड पदार्थ तयार केले जातात. नाताळाच्या एकमेकांच्या घरी गोडपदार्थ पाठवून, नाताळाच्या शुभेच्छा दिल्या जातात. एकमेकांना घरी फराळाला बोलावले जाते़ आकर्षक विद्युत रोषणाईनाताळनिमित्त पेस्ट्रीज, केकने सजलेल्या बेकºया, ख्रिसमस ट्री-आकाश कंदिलाने सजलेले रस्ते, सांस्कृतिक कार्यक्रमांची रेलचेल असे जल्लोषपूर्ण वातावरणनिमित्त ख्रिसमस तयारीच्या निमित्त करण्यात आली आहे़  जिंगल बेल, जिंगल बेल,  जिंगल आॅल द वे असे म्हणत मंगळवारी प्रभू येशूच्या जन्माचे स्वागत होणार आहे़़सांस्कृतिक कार्यक्रमांचे आयोजन प्रभू येशूच्या जन्माचे स्वागतासाठी महिन्याभरापासुन लहान मुलांनी नाटकांची तयारी केली आहे़ तर नाताळ निर्मित विविध धार्मिक सांस्कृतिक कार्यक्रमांचे आयोजन करण्यात आले आहे़ खरेदीसाठी बाजारात रेलचेलनाताळनिमित्त गर्दी होऊ लागली आहे़ यात विविध प्रकारचे शुभेच्छा पत्रे, सांताक्लॉजची टोपी ,कपडे, चॉकलेट, कॅडबरी, सजावटीचे विविध साहित्य उपलब्ध झालेले आहे. त्याचबरोबर रंगीबेरंगी मेणबत्या, आणि डिझायनर जिंगल बेल्सला मागणी होऊ लागली आहे.२४ डिसेंबर रोजी रात्री १२ वाजता प्रार्थना करण्यात येणार आहे. २५ डिसेंबर रोजी दुपारीही विशेष प्रार्थना करण्यात येणार आहे. त्यानंतर उपस्थितांना मार्गदर्शन करण्यात येणार आहे.