सभेच्या सुरुवातीला शहीद जवान, मृत कोरोना योद्धे व ज्येष्ठ नागरिक संघासाठी योगदान दिलेले कै. पोपटराव पाटील, कै. मधुकर बेहरे यांना श्रद्धांजली वाहण्यात आली. त्यानंतर सचिव प्रकाश दीक्षित यांनी जमाखर्चाची माहिती दिली व प्रोसिडिंगचे वाचन केले. राहुल पवार यांनी ज्येष्ठ नागरिकांच्या तक्रार निवारणासाठी महत्त्वाच्या असलेल्या हेल्पलाईनबाबत माहिती दिली. यावेळी प्राचार्य भदाणे, शहा यांनीही मनोगत व्यक्त केले. नंदा बेहेरे यांनी त्यांच्या पतीच्या स्मृतिप्रित्यर्थ ११ हजार रुपयांची देणगी दिली. चंद्रशेखर विसपुते यांनी सूत्रसंचालन केले. यतीन चौधरी यांनी आभार मानले. सभेसाठी वासुदेव उपकारे, डॉ. शिरीष नवगाळे, डॉ. राजेश जोशी, प्रा. शरद नाईक, प्रकाश पाटील, सर्जेराव अहिरे, रामदास कदम, अंजली नाईक, नंदा बेहेरे, राजेंद्र मुंदानकर, प्रल्हाद चौधरी यांची उपस्थिती होती.
मालमत्ता करात सूट मिळण्यासाठी प्रयत्नशील - नाईक
मालमत्ता करात ज्येष्ठ नागरिकांना सूट मिळावी, यासाठी प्रयत्न करणार असल्याचे मनपा उपायुक्त शिल्पा नाईक यांनी सांगितले. ज्येष्ठ नागरिकांच्या आरोग्यविषयक मदतीबाबतचीदेखील माहिती त्यांनी यावेळी दिली.