उमरगा : अखिल भारतीय तैलिक शाहू महासभेच्या पदाधिकाऱ्यांनी बुधवारी तालुक्यातील उमरगा येणेगूर, रामपुर, मुरूम, लोहारा, जेवळी येथील कोरोना संसर्गामुळे मृत्यू झालेल्या सदस्यांच्या कुटुंबांना भेट देण्यात आली.
राष्ट्रीय अध्यक्ष जयदत्त क्षीरसागर यांच्या सूचनेनुसार जिल्हा तेली समाज अध्यक्ष तथा अ. भा. तैलिक शाहू महासभा युवक प्रदेश उपाध्यक्ष रवी कोरे आळणीकर, जिल्हा कार्यकारिणी सदस्य महादेव मेंगले, उस्मानाबाद जिल्हा युवक अध्यक्ष शशिकांत बेगमपुरे यांनी उमरगा शहरातील जुनी पेठ येथील दत्तात्रय तेली, येणेगूर येथील बसवअण्णा कलशेट्टी व रामपूर येथील नागनाथ बाबाराव घोडके यांच्या घरी जाऊन कुटुंबीयांचे सांत्वन केले. त्यानंतर लोहारा येथे हणमंत ठेले, किलज येथील बाळासाहेब दळवे यांच्या घरी भेटी दिल्या. या कुटुंबीयांना शासनाकडूनही आधार मिळावा यासाठी सर्वतोपरी प्रयत्न करू, तसेच शासनाच्या विविध योजना या कुटुंबीयांना मिळतील याकडे विशेष लक्ष देऊन प्रयत्न करणार असल्याचे रवी कोरे यांनी सांगितले.
यावेळी लोहारा तालुकाध्यक्ष भीमाशंकर डोकडे, उमरगा तालुकाध्यक्ष संतोष कलशेट्टी, सचिव शिवनानंद साखरे, परमेश्वर साखरे, धनराज कलशेट्टी, इंद्रजित म्हेत्रे, शिवकुमार दळवी, रविकिरण अंबुेसे, दयानंद साखरे, विजयकुमार देशमाने, राजकुमार अंबुसे, शेखर अंबुसे, सचिन अंबुसे, राजेंद्र घोडके, रणजित कलशेट्टी, बसवंत बंगले, सुनील ठेले, सुनील देशमाने, बसू जवादे, गोविंद बंगले, अनिल ठेले आदी उपस्थित होते.