टाकळी येथील दोन दिवसांपासून शाळा बंद

मुख्याध्यापकाची बदली रद्द करावी, या मागणीसाठी परंडा तालुक्यातील टाकळी येथील ग्रामस्थांनी विद्यार्थ्यांना शाळेत न पाठविण्याचा निर्णय घेतला आहे.

आंदोरा (जि. उस्मानाबाद) : मुख्याध्यापकाची बदली रद्द करावी, या मागणीसाठी परंडा तालुक्यातील टाकळी येथील ग्रामस्थांनी विद्यार्थ्यांना शाळेत न पाठविण्याचा निर्णय घेतला आहे. मंगळवारी सलग दुसऱ्या दिवशीही शाळा बंदच ठेवण्यात आली.येथे १ ली ते ६वीपर्यंत शाळा असून, १११वर पटसंख्या आहे़ यंदा वाढीव ७वीच्या वर्गाला मान्यता मिळाली आहे़ शाळेची गुणवत्ता वाढविण्यासह मूलभूत सोयी-सुविधा मिळाव्यात, यासाठी तत्कालीन मुख्याध्यापक सुमंत उमाप यांनी शिक्षक, ग्रामस्थांसोबत घेऊन मोठे काम केले आहे़मात्र, चालू शैक्षणिक वर्षात मुख्याध्यापक उमाप यांची बदली झाल्याची माहिती मिळताच पालकांनी या बदलीला विरोध दर्शविला़