उमरगा: येथील भारत शिक्षण संस्थेचे उपाध्यक्ष आश्लेष मोरे यांची उस्मानाबाद जिल्हा काँग्रेस कमिटीच्या जिल्हा सचिवपदी सलग दुसऱ्यांदा नियुक्ती झाली.
भारत शिक्षण संस्थेचे उपाध्यक्ष असलेले आश्लेष मोरे यांचे सामाजिक सांस्कृतिक व संस्थेच्या माध्यमातून शैक्षणिक कार्यात मोठे योगदान आहे. तालुक्यात नुकत्याच पार पडलेल्या ग्रामपंचायत निवडणुकीत वाडी-वस्ती तांडा सह गावागावांमध्ये काँग्रेस पक्षाचा प्रचार व प्रसार करून सरपंच व सदस्य निवडून आणले आहेत. या कामाची दखल घेत काँग्रेसचे जिल्हाध्यक्ष ॲड. धीरज पाटील, कार्याध्यक्ष प्रकाश आष्टे यांनी दुसऱ्यांदा मोरे यांची पुन्हा जिल्हा सचिवपदी नियुक्ती केली. तालुक्यात पक्षाचे संघटन वाढविण्यासाठी तरुणाची भक्कम फळी निर्माण करून पक्षांतील वरिष्ठ नेत्यांच्या मार्गदर्शनाखाली पक्ष बळकटीकरण व गोरगरीब जनतेच्या कामासाठी प्रयत्न करणार असल्याची माहिती आश्लेष मोरे यांनी दिली.