फोटो (२२-२) सुमेध वाघमारे
तेर : येथील शिव नृसिंह ग्रुप शिवजन्मोत्सव सोहळा समितीच्या वतीने शिवजन्मोत्सव सोहळ्यानिमित्त कोरोना या महाभयंकर महामारीच्या काळात उत्कृष्ट कार्य करणाऱ्या ग्रामीण रुग्णालयातील अधिकारी, कर्मचारी, आशा स्वयंसेविका, अंगणवाडी सेविका, ग्रामपंचायतीचे कर्मचारी, पत्रकार याचा शिव नृसिंह सत्कार करण्यात आला.
प्रारंभी मान्यवरांच्या हस्ते छत्रपती शिवाजी महाराज यांच्या मूर्तीची पूजा करण्यात आली. यानंतर तर ग्रामीण रुग्णालयातील वैद्यकीय अधिकारी डॉ. सचिन कोठावळे, प्रयोगशाळा तंत्रज्ञ लक्ष्मीकांत मुंडे, प्रयोगशाळा सहायक तंत्रज्ञ प्रिया सूर्यवंशी, परिचारिका सुषमा पस्तापुरे, आशा सुपरवाझर संगीता डोलारे, आशा स्वयंसेविका कविता आंधळे, मीरा गाढवे, दैवशाला भोरे, सुषमा सरवदे, रेखा पांगरकर, स्वाती पवार, रेश्मा नान्नजकर, लतिफा कोरबू, राणी वाघ, अंगणवाडी कार्यकर्ती जोशीला लोमटे, ग्रा.पं. कर्मचारी वैभव डिगे, अशपाक शेख, अल्केश पोहरेगावकर, आशिष वाघमारे, पत्रकार सुभाष कुलकर्णी, बापू नाईकवाडी, सुमेध वाघमारे आदी कोरोना वॉरियर्सचा सन्मान करण्यात आला.
कार्यक्रमासाठी समितीचे अध्यक्ष मंगेश पांगरकर, उपाध्यक्ष अविनाश इंगळे, सचिव हरी खोटे, खजिनदार वैभव वैरागकर, शोभायात्रा प्रमुख अक्षय कोळपे, निखिल पांगरकर, अभिजित लामतुरे, स्वप्नील इंगळे, किशोर गाढवे, गजानन मांजरे, सूरज पांगरकर, सिद्धेश्वर शिराळ, धीरज शिराळ, तुषार बुके, किरण खोटे, वैभव बडवे, राहुल इंगळे, गणेश उटगे आदींसह समितीच्या पदाधिकाऱ्यांनी परिश्रम घेतले.