जळगाव शहरातील एमआयडीसीतील फी सेक्टरमध्ये दोन मित्रांमध्ये असलेल्या जुन्या वादातून एका तरुणाने दुसऱ्या तरुणावर गोळीबार केल्याची घटना आज सकाळी घडली आहे. घटनेत कुणालाही इजा झालेली नाही. या प्रकरणी गोळीबार करणाऱ्या तरुणाला पोलिसांनी अटक केली आहे. गोळीबाराच्या या घटनेने जळगाव शहर पुन्हा हादरले आहे.
पोलिसांनी दिलेल्या माहितीनुसार असे की आकाश तवर व सोपान राजपूत हे दोन्ही जुने मित्र आहेत. काही दिवसांपूर्वी सोपान राजपूत याने आकाश तवर याच्याबद्दल पोलिसांच्या डायल ११२ या क्रमांकावर आकाश तवर याच्याबद्दल तो बदनामी करत असल्याची तक्रार केली होती. या रागातून आकाश याचा मित्रांनी सोपान राजपूतला मारहाण केली होती. याच जुन्या वादातून सोपान राजपूत नाही आज आकाश तवर याला एमआयडीसीतील व्ही सेक्टर या ठिकाणी गाठल व त्याच्याशी शिवीगाळ तसेच भांडण करत सोपान राजपूत याने थेट पिस्तूल काढलं. आणि आकाश याच्या दिशेने गोळीबार केला. आकाश याने तो गोळीबार चुकवला आणि या ठिकाणाहून पळ काढला.
घटनेची माहिती मिळताच पोलिसांनी घटनास्थळ गाठले आणि सोपान राजपूत याला ताब्यात घेतले. त्याच्याकडून पिस्तूल जप्त करण्यात आले आहे. सोपान राजपूत याने दोन राऊंड फायर केल्याचं पोलिसांनी सांगितले आहे. दरम्यान गेल्या महिन्यात जळगाव शहरातील शिवाजी नगर मध्ये गोळीबाराच्या दोन घटना घडल्या होत्या. आता पुन्हा आजच्या घटनेने जळगाव शहर हादरले.