मॅक्सिको – तुम्ही कधी Prank व्हिडीओ पाहिले असतील ज्यात दुसऱ्याला भीती दाखवण्यासाठी बनावट भूताचा वापर केला जातो असाच काहीसा प्रकार करण्याच्या नादात एकाला जीव गमवावा लागला आहे. शेजाऱ्यांना भीती दाखवण्याची किंमत महिलेला स्वत:चा जीव देऊन मोजावी लागली आहे. महिलेने भयानक मेकअपनंतर सफेद रंगाच्या ड्रेसमध्ये निर्जन रस्त्यावर एकटीच फिरत होती.
या महिलेला पाहून अनेकांना घाम फुटला परंतु एका व्यक्तीने थेट महिलेवर गोळीबार केला त्यात महिलेचा मृत्यू झाला आहे. ही घटना मॅक्सिकोच्या नौकलपन डी जुआरेज येथे घडली आहे. पोलिसांनी मृत महिलेची ओळख सांगितली नाही. द सनच्या रिपोर्टनुसार, मृत महिलेचं वय २०-२५ वयोगटातील आहे. तिने लॅटिन अमेरिकेच्या La Liorona प्रमाणे स्वत:ला तयार केले होते.
दंतकथा आहे की, La Liorona ही एक भूत होती. जी तिच्या मुलांच्या आठवणीत रस्त्यावर रडत फिरत होती. मृत युवती अशाचप्रकारे रात्रीच्या वेळी निर्जन रस्त्यावर लोकांना घाबरवण्यासाठी फिरत होती. आसपास राहणाऱ्या लोकांनी अनेकदा तिचा व्हिडीओ बनवला आहे. एका स्थानिक रहिवाशाने सांगितले की, महिला खूप भयंकर मेकअप करत होती. ती जोरजोरात रडत ओ मेरे बच्चे असं ओरडायची. या युवतीला पाहून समोरील व्यक्ती इतका घाबरला की त्याने धडाधड तिच्यावर गोळ्या मारल्या ज्यात महिलेचा मृत्यू झाला.
या घटनेतील आरोपी घटनास्थळावरुन फरार झाला आहे. या प्रकरणात पोलिसांनी कुणालाही अटक केली नाही. १५ ऑक्टोबरला घडलेल्या या घटनेची चौकशी सुरु आहे. सध्या याबाबत काहीही सांगू शकत नाही. मॅक्सिकोत ३१ ऑक्टोबरला हॅलोवीन डे साजरा करण्याची तयारी सुरू होती. यावेळी लोकांना आत्मा आणि भूतांसारखे मेकअप करण्यात येतात. यात सहभागी झालेले स्वत: असे तयार होतात ज्याने इतरांनी त्यांना पाहताच भयभीत होतील. सोशल मीडियावर अशाप्रकारे अनेक व्हिडीओ पाहायला मिळतात ज्यात भूत बनून लोकांना घाबरवलं जातं. बरेच प्रँक पाहून लोकांना हसायला येते. परंतु मॅक्सिकोमधील या घटनेने सगळ्यांचीच बोलती बंद केली आहे. इतरांना घाबरवायच्या नादात युवतीला जीव गमवावा लागला आहे.