नांदेड- शहरातील विमानतळ पोलिस ठाण्याच्या हद्दीतील गाडेगाव रोडवर रविवारी रात्री गोळीबाराची घटना घडली होती. ही घटना गॅंगवॉरचा प्रकार असून सोमवारी सकाळी या घटनेतील एका आरोपीचे प्रेत आढळून आले आहे.
गाडेगाव रोडवरील रेल्वे फाटकाजवळ रविवारी रात्री साडे नऊ वाजेच्या सुमारास गोळीबार झाला होता. घटनास्थळी पादत्राणे व रक्त सांडल्याचे दिसून आले. मात्र गोळीबार कोण केला. आरोपींनी गोळीबार केल्यानंतर जखमी झालेल्या दुसऱ्या टोळीतील एकाचे अपहरण केले होते.
पोलिसांनी रात्रभर शहरातील प्रत्येक भागात नाकेबंदी करण्यात केली होती. दरम्यान सोमवारी सकाळी हसापूर भागात नदीवरील पुलाखाली जखमी झालेल्या विक्की चव्हाण याचा मृतदेह आढळून आला आहे. या प्रकरणात पोलिसांनी दोघांना ताब्यात घेतले आहे.
दरम्यान, काही दिवसांपूर्वी कौठा भागात विक्की चव्हाण याच्या टोळीने दुसऱ्या गटावर तलवारीने हल्ला केला होता. गॅंगवॉर मधूनच खुनाची ही घटना घडली आहे. मयत विक्की चव्हाण वर अनेक पोलीस ठाण्यात गुन्हे दाखल आहेत.