राजा रघुवंशी हत्या प्रकरणात राजाच्या भावाची बायको किरण रघुवंशी हिने माध्यमांशी बोलताना सोनम रघुवंशीला कठोर शिक्षा देण्याची मागणी केली. भावुक होत किरण म्हणाली की, "आम्ही आमच्या राजाला गमावलं आहे , आम्हाला आता कोणाचीही माफी नको आहे, आम्हाला न्याय हवा आहे. जर सोनम दोषी असेल तर तिला फाशी द्यावी."
किरण रघुवंशीने सोनमकडे दोन फोन असल्याचं सांगितलं आहे. "सोनम म्हणायची की, एक फोन तिच्या ऑफिससाठी आहे आणि दुसरा वैयक्तिक वापरासाठी आहे. मी तिला फोनवर जास्त बोलताना कधीच पाहिलं नाही, पण ती सतत कोणालातरी मेसेज पाठवत असायची. चॅटिंगमध्ये बिझी असायची. तिचा फोन नेहमीच तिच्यासोबत होता. आता कुटुंबाकडे फक्त दुःख आणि प्रश्न उरले आहेत."
"मी कोणाशीही लग्न केलं तरी मी तुझीच गर्लफ्रेंड...", सोनमसमोर स्टेजवर ढसाढसा रडला राज
"आम्हाला कोणाचीही माफी नको आहे, आम्हाला न्याय हवा आहे" असं किरण रघुवंशीने म्हटलं आहे. सोनमने तिनेच राजाची हत्या केल्याचं कबूल केलं आहे. तिच्यासह आणखी काही लोकांना अटक करण्यात आली आहे. तिनेच राजाच्या हत्येचा कट रचला होता. सोनम रघुवंशी आणि राज कुशवाह यांचा एक फोटो समोर आला आहे, ज्यामध्ये सोनम आणि राज खूप आनंदी दिसत आहेत, ज्यावरून असं दिसून येतं की दोघांमध्ये फक्त मैत्रीपूर्ण संबंध नव्हते. आतापर्यंत राजचे मित्र आणि ओळखीचे लोक असा दावा करत होते की राज सोनमला 'दीदी' म्हणायचा.
राजाच्या हत्येचा प्लॅन अयशस्वी झाला असता तर काय करणार होती सोनम? बॅकअप प्लॅन तयार
सोनम रघुवंशी आणि राज कुशवाहचा नवा फोटो आला समोर; सर्व गुपितं झाली उघड
पोलिसांनी दिलेल्या माहितीनुसार, हा फोटो हत्येपूर्वीचा आहे. मेघालय पोलीस आणि इंदूर गुन्हे शाखेच्या संयुक्त तपासात असं दिसून आलं आहे की, हत्येच्या काही दिवस आधी सोनम आणि राज इंदूरमधील भाड्याच्या फ्लॅटमध्ये एकत्र वेळ घालवत होते. या प्रकरणाच्या तपासादरम्यान मेघालय पोलिसांनी एक महत्त्वाचं पाऊल उचललं, त्यांनी मुख्य आरोपी सोनम रघुवंशी आणि तिचा प्रियकर राज कुशवाह यांना समोरासमोर आणलं. यामध्ये पोलिसांकडे उपलब्ध असलेले ठोस पुरावे दाखवताच आणि प्रश्न विचारताच सोनमने सर्वच खरं सांगून टाकलं.