‘लिव्ह इन पार्टनर’च्या खुनामुळे देश हादरलेला असतानाच या प्रकरणात आता अनेक कंगोरे पुढे येत आहेत. मुंबईचा आफताब पुनावाला आणि श्रद्धा वालकर हे कपल लिव्ह इन रिलेशनशिपमध्ये दिल्लीत राहत होते. रिलेशनशिपच्या काही महिन्यातच आफताबने श्रद्धाचा निर्घृणरित्या खून केला. तिच्या शरीराचे 35 तुकडे करुन ते फ्रीजमध्ये ठेवले आणि रोज मध्यरात्री एक एक अवयव नेऊन जंगलात फेकून देत होता. अखेर दिल्ली पोलिसांनी याचा तपास लावला आणि आफताबला अटक झाली. या प्रकरणात रोज नवनवीन धक्कादायक खुलासे समोर येत आहेत.
आफताबच्या एका मित्राने आता या प्रकरणात महत्त्वाची माहिती दिली आहे. निशंक मोदी असं या मित्राचं नाव असून त्याने आजतकसोबत संवाद साधताना विविध खुलासे केले आहेत. आफताब एखाद्य़ा व्यक्तीची हत्या करेल याचा कधी विचारच केला नव्हता. त्यामुळे यावर विश्वास बसत नसल्याचं निशंकने सांगितलं. "मी आफताबला 15 वर्षांपासून ओळखतो. शाळा सुटल्यानंतर आम्ही एकत्र खेळायचो. त्याचा स्वभाव चांगला होता. त्याला खूप राग आलेलं मी कधीच पाहिलं नव्हतं" असंही म्हटलं आहे.
आफताब 2019 पासून विविध ठिकाणी वास्तव्यास असायचा. यानंतर आफताबचं कुटुंबदेखील दुसरीकडे राहायला गेलं, असं निशंक म्हणाला. आफताब आणि श्रद्धाच्या नात्याबद्दल मी ऐकलं होतं. ती आफताबच्या घरी जायची, हे मी ऐकून होतो. मात्र तिला कधीच पाहिलं नव्हतं. आफताब असा काही गुन्हा करेल याची कल्पनादेखील त्याला ओळखणाऱ्या कोणी केली नसेल, असंही निशंक मोदी याने म्हटलं आहे. एका हिंदी वेबसाईटने याबाबतचे वृत्त दिले आहे.
'ते' 37 बॉक्स उलगडणार आफताबचं रहस्य; श्रद्धा हत्याकांडात नवा 'ट्विस्ट', नेमकं काय घडलं?
दिल्ली पोलिसांना या प्रकरणात महत्त्वाची माहिती मिळाली आहे. श्रद्धाची हत्या केल्यानंतर दोन आठवड्यांनी त्याने आपल्या वसई येथील घरातून 37 बॉक्स हे दिल्लीला पाठवले होते. या 37 बॉक्समध्ये नेमकं काय सामान होतं याची आता जोरदार चर्चा रंगली आहे. एका कुरिअर कंपनीच्या माध्यमातून त्याने बॉक्स दिल्लीला पाठवले होते. तसेच त्यासाठी पैसेही दिले होते. दिल्ली पोलिसांच्या सूत्रांनी दिलेल्या माहितीनुसार, आफताबने दिल्ली पोलिसांना सांगितले होते की, दिल्लीला जाण्यापूर्वी वसई भागातील त्यांच्या घरातून सामान नेण्यासाठी पैसे कोण देणार यावरून त्यांचे आणि श्रद्धाचे भांडण झाले होते. आता पोलीस या प्रकरणाचा सखोल तपास करत आहेत. गुडलक पॅकर्स अँड मूव्हर्स कंपनीच्या माध्यमातून आफताबने श्रद्धाची हत्या केल्यानंतर दोन आठवड्यांनी मुंबईहून दिल्लीला आपले सामान हलवले होते. 37 बॉक्समधून हे सामान दिल्लीला आणण्यात आलं.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"