जम्मू - काश्मीरमधील ७ टॉप दहशतवादी कमांडरची यादी जारी, जाणून घ्या कोण कोण आहेत

Terrorism : सर्व काश्मीरमधील दहशतवाद वाढविण्याच्या समाजविघातक कामात सामील आहेत.

ठळक मुद्देसुरक्षा दलाकडून काश्मीरमधील दहशतवाद निर्मूलनासाठी सातत्याने प्रयत्न केले जात आहेत.

जम्मू-काश्मीरमधील सुरक्षा दलांनी सात दहशतवादी कमांडर्सची यादी जारी केली आहे. या दहशतवाद्यांचा शोध घेण्याचे आदेश सर्व जिल्ह्यांना देण्यात आले आहेत. कारण ते सर्व काश्मीरमधील दहशतवाद वाढविण्याच्या समाजविघातक कामात सामील आहेत. त्यामध्ये जवळजवळ सर्व ए प्लस श्रेणीचे दहशतवादी आहेत. यादी जाहीर झाल्यानंतर सुरक्षा दलाने या अतिरेक्यांना संपूर्ण कार्यक्षमतेने संपवण्यासाठी तयारी केली आहे.सुरक्षा दलाकडून काश्मीरमधील दहशतवाद निर्मूलनासाठी सातत्याने प्रयत्न केले जात आहेत. यावर्षी रियाज नायकू आणि डॉ सैफल्लाह हिजबुलचे दोन कमांडर मारले गेले. त्यानंतर, सुरक्षा दलांनी सात बड्या कमांडरची यादी जारी केली आहे. या यादीतील पहिला म्हणजे अल बद्रचा सेनापती जावेद अहमद मटाटू यांचे नाव आहे. 2010 पासून तो काश्मीरमध्ये सक्रिय होता आणि अनेक मोठ्या हल्ल्यांमध्ये त्याचा सहभाग होता. अल बदरमधील दहशतवाद्यांची संख्या वाढविण्यासाठी ते तरुणांना दहशतवादाच्या मार्गावर आणण्याचे काम करतात.या यादीत दोन पाकचे दहशतवादीही आहेतदुसर्‍या क्रमांकावर लष्करचा कमांडर मोहम्मद सलीम परी उर्फ ​​बिल्ला आहे. सन 2017 मध्ये दहशतवादामध्ये सामील होता. मोहम्मद अशरफ खान आणि हिजबुलचे फारूक अहमद बट, मुहाराजादीन ऊर्फ उबैद आठ वर्षांपासून काश्मीरमध्ये कार्यरत आहेत. हे तिघे भयानक दहशतवादी आहेत. लष्करचे पाकिस्तानी दहशतवादी एजाज उर्फ ​​अबू  हुरेररा   आणि बदर नदीम उर्फ ​​हाफिज हेही या यादीत आहेत. आजकाल तो बारामुल्ला येथे आपला अड्डा बनवून दहशतवादी हल्ल्याच्या नियोजनात गुंतला आहे.यावर्षी 200 दहशतवादी ठार झालेया सात कमांडरांच्या खात्म्यानंतर जम्मू-काश्मीरमधील दहशतवाद पूर्णपणे खंडित होईल, असे वरिष्ठ पोलीस अधिकाऱ्यांचे म्हणणे आहे. यावर्षी सुरक्षा दलांनी काश्मिरात 200 अतिरेक्यांचा खात्मा केला आहे. यात बहुतेक हिजबुल दहशतवादी ठार झाले आहेत. या हिजबुलचे 72 दहशतवादी ठार झाले. लष्करए तोयबाचे 59 ठार झाले. जैशकडे 37 दहशतवादी आणि उर्वरित इतर दहशतवादी संघटनेचे आहेत. काश्मीरमध्ये सध्या 205 दहशतवादी कार्यरत आहेत, त्यापैकी 95 पाकिस्तानी दहशतवादी आहेत. लष्कर ए तोयबाचे  55 आणि जैशचे 35 दहशतवादी वाचले आहेत.