मुंबई - धारावी परिसरातील शाहू नगर येथे आज हृदयद्रावक घटना घडली आहे. डायमंड अपार्टमेंट ३४ वर्षीय आईसह ४ वर्षाच्या चिमुकलीचे गळा चिरून हत्या करण्यात आली. या घटनेमुळे परिसरात हळहळ व्यक्त होत आहे. तसेच त्यांचे मृतदेह जाळण्याचा देखील प्रयत्न करण्यात आला. घरातून धूर आल्याने शेजारच्यांना हा प्रकार लक्षात आला आणि त्यांनी पोलिसांना घटनेची माहिती दिली. याप्रकरणी शाहू नगर पोलीस ठाण्यात हत्येचा गुन्हा दाखल करण्यात आला असून अद्याप आरोपीचा शोध घेत असल्याची माहिती पोलीस उपायुक्त विक्रम देशमाने यांनी लोकमतशी बोलताना दिली.
धारावीतील डायमंड बिल्डिंगमध्ये रियाज हुसेन सय्यद, त्याची पत्नी तेहसिन, मुलगी आलिया उर्फ फातिमा हे तिघे राहत होते. आज सकाळी ३४ वर्षीय तेहसिनची आणि ४ वर्षांच्या फातिमाची गळा चिरुन हत्या केली. यानंतर त्याने दोघांचे मृतदेह जाळण्याचा प्रयत्न करण्यात आला. मात्र, घरातून धूर येत असल्याचे स्थानिकांच्या लक्षात आले. त्यांनी या घटनेची माहिती पोलिसांना दिली. पोलिसांच्या पथकाने घटनास्थळी धाव घेतली असता हा धक्कादायक प्रकार उघड झाला. याप्रकरणी पोलीस य हत्येमागील सूत्रधार नक्की कोण याचा तपास करत आहेत. तसेच या हत्येमागील नेमका हेतू देखील पोलीस शोधत आहेत. परिसरात मात्र या हत्येमागे तेहसिनचा पती रियाज असल्याची शक्यता वर्तविली जात आहे. शाहू नगर पोलीस याबाबत अधिक तपास करत आहेत.