लोकमत न्यूज नेटवर्क
नवी दिल्ली : नैराश्येने ग्रासलेल्या दोन मुलींनी फ्लॅटच्या खोलीत विषारी वायूचे चेंबर बनवून आईसह स्वत:ला कोंडून आत्महत्या केल्याची घटना उघडकीस आली आहे. महिलेने काही सुसाईड नोट लिहून ठेवलेल्या आढळून आल्या आहेत.
वसंत विहार परिसरारतील वसंत अपार्टमेंटमध्ये ५० वर्षीय मंजू या अंशिका आणि अंकू या ३० वर्षीय मुलींसाेबत राहत हाेत्या. त्यांच्या घरातून काेणताही प्रतिसाद न मिळाल्यामुळे घरकाम करणाऱ्या महिलेने शेजाऱ्यांना माहिती दिल्यानंतर पाेलिसांना कळविण्यात आले. पाेलिसांनी खिडकीतून घरात शिरण्याचा प्रयत्न केल्यावर त्यांना विषारी वायूचा गंध आला. त्यानंतर सावधगिरीने घरात शिरल्यावर संपूर्ण कुटुंबाने आत्महत्या केल्याचे उघडकीस आले. खाेलीत शेगडीमुळे धूर पसरला हाेता. तसेच गॅस शेगडीचा नाॅबही थाेडा उघडल्याचे पाेलिसांना आढळले. त्यांचा मृत्यू श्वास काेंडल्यामुळे झाला की विष प्राशन केल्यामुळे, याचा उलगडा शवविच्छेदन अहवाल आल्यानंतरच कळेल, असे पाेलिसांनी सांगितले.
सुसाईड नाेटमध्ये सावधगिरीच्या सूचना
घरातून मिळालेल्या सुसाईड नाेटमध्ये सूचना लिहून ठेवल्या हाेत्या. खाेलीमध्ये विषारी कार्बन माेनाॅक्साईड भरलेला आहे. खिडकी उघडावी आणि पंखा सुरू करून खाेलीला हवेशीर बनवावे. माचिस किंवा मेणबत्ती पेटवू नये, असे एका चिठ्ठीत लिहिले आहे.