कनौज: लग्नाचं आमिष दाखवून महिला आणि तिच्या अल्पवयीन मुलीवर तीन महिने सामूहिक बलात्कार केल्याची घटना नोएडामध्ये घडली आहे. बाप-लेक आणि त्याच्या मित्रानं अल्पवयीन मुलीवर शारीरिक अत्याचार केले. मुलगी झोपत असताना तिच्यावर गुप्तांगात गरम चिमट्यानं चटके दिले. पीडितेनं मंगळवारी आरोपींविरोधात तक्रार दाखल केली.
तीन वर्षांपूर्वी पीडित महिलेचा घटस्फोट झाला. दुसऱ्या लग्नासाठी तिच्या कुटुंबीयांनी तालग्रामच्या मवईया गावात वास्तव्यास असलेल्या अमित उर्फ नाहर सिंहचं नाव सुचवलं. दोघांची भेट घडवून आणली. अमितनं पीडितेला लग्नाचं आमिष दाखवलं. महिला आणि तिच्या दोन अल्पवयीन मुलींना घरी बोलावलं. त्यानंतर तिच्यासोबत अवैध संबंध ठेवण्यास सुरुवात केली.
काही महिन्यांनंतर अमित पीडित महिला आणि तिच्या मुलींना नोएडाला घेऊन आला. तो पीडितेला आणि तिच्या मुलींना वेश्याव्यवसाय करण्यास सांगू लागला. मुलगी झोपलेली असताना अमितनं तिच्या गुप्तांगामध्ये गरम चिमटा घातला. त्यानंतर देशी पिस्तुलाचा धाक दाखवत दोघींवर बलात्कार केला. त्यानंतर अमित, त्याचे वडील राम सिंह आणि मित्र दिलीप सातत्यानं पीडित महिला आणि तिच्या मुलीवर बलात्कार करू लागले.
अमितने तीन महिने महिलेला आणि तिच्या मुलीला नोएडात ठेवलं. दिलीपनं बलात्काराचा व्हिडीओ तयार केला. त्यानंतर अमित आणि त्याचा मित्र पवनेशनं व्हिडीओ दाखवून महिलेला ब्लॅकमेल करण्यास सुरुवात केली. त्यामुळे महिलेनं पोलीस ठाण्यात अमित, राम सिंह, दिलीप, पवनेश यांच्याविरोधात तक्रार दाखल केली.