गोंदिया : गंगाबाई रूग्णालयातून मोटारसायकल चोरून नेणाऱ्या मोटारसायकल चोरट्यास गुन्हे शाखेने ताब्यात घेत या प्रकरणाचा उलगडा केला. एवढेच नव्हे तर, चोरट्याकडून चोरीच्या दोन मोटारसायकल सुद्धा जप्त करण्यात आल्या आहेत.
फिर्यादी मिनेश चंद्रेसन गौतम (२४,रा.बंजारीटोला, आमगाव) यांची मोटारसायकल क्रमांक एमएच ३५- बी ९४६७ येथील बाई गंगाबाई रूग्णालयातून ११ ऑगस्ट रोजी सायंकाळी ५.३० वाजतादरम्यान चोरीला गेली होती. प्रकरणी शहर पोलिसांनी घटनेची नोंद करण्यात आली आहे. जिल्हयात मोटारसायकल चोरीच्या वाढत्या घटना लक्षात घेत पोलीस अधीक्षक विश्व पानसरे यांनी यावर योग्य ती कारवाई करण्याचे निर्देश दिले. त्यानुसार, ठाणेदार चंद्रकांत सूर्यवंशी यांनी गुन्हे शाखेकडे प्रकरण दिले. यात गुप्त माहितीच्या आधारे गुन्हे शाखेने सुनील सेवकराम रहांगडाले (४१,रा.हिरापूर, गोरेगाव) यास ताब्यात घेत विचारपूस केली. यावर सुनीलने गु्न्हयाची कबुली दिली. एवढेच नव्हे तर सिंधी कॉलनी येथून चोरलेली मोटारसायकल क्रमांक एमएच ३५-झेड ०६८२ व एमएच ३५-वी ९४६७ जप्त केली आहे.