मुंबई - मध्य प्रदेशातील इंदूर येथे नात्याला काळीमा फासणारी घटना घडली आहे. याठिकाणी पत्नीसोबत अनैसर्गिक संबंध बनवणाऱ्या पतीला इंदूर पोलिसांनी मुंबईतून अटक केली आहे. या आरोपी पतीला कोर्टात हजर केल्यानंतर त्याला पोलीस कोठडी सुनावण्यात आली आहे.
मिळालेल्या माहितीनुसार, सतना येथे राहणाऱ्या महिलेने स्वत:च्या पतीविरोधात इंदूर येथील एमजी रोड पोलीस ठाण्यात तक्रार दिली. महिलेनं तक्रारीत म्हटलं की, माझं ५ वर्षापूर्वी मुंबईत राहणाऱ्या अभिषेक निगम नावाच्या तरुणाशी लग्न झाले. परंतु लग्नानंतर माझा पती जबरदस्तीनं अनैसर्गिक संबंध ठेवत होता. पतीच्या या कृत्यानंतर पत्नी इंदूर येथील माहेरी येऊन राहिली. परंतु पतीनं तिचा पाठलाग सोडला नाही.
पत्नीपाठोपाठ पतीनेही इंदूर गाठलं त्याठिकाणी महिलेच्या घरी येऊन तो अनैसर्गिक संबंध ठेवत होता. या त्रासाला कंटाळून महिलेने पतीविरोधात एमजी रोड पोलीस ठाण्यात तक्रार दिली. पोलिसांनी या प्रकरणाचं गांभीर्य ओळखून आरोपी पतीविरोधात गुन्हा दाखल केला. त्यानंतर पतीचा शोध घेतला. पोलीस सायबर टीमच्या मदतीने आरोपीचा फोन वारंवार ट्रेस करत होती. परंतु आरोपी पती परदेशात पळून गेला. तरीही पोलीस त्याचे लोकेशन ट्रेस करत होते.
एकेदिवशी पोलिसांना आरोपी पतीचं लोकेशन मुंबईत असल्याचं समजलं. तेव्हा एमजी रोड पोलीस उपनिरिक्षक टीना शुक्ला आणि अन्य सहकारी मुंबईत पोहचले. त्यांनी आरोपीला अटक करत इंदूरला घेऊन गेले. त्यानंतर इंदूरच्या न्यायालयात आरोपी पतीला हजर केले असता न्यायाधीशांनी आरोपीची रवानगी पोलीस कोठडीत केली.