सनकी म्हणा अथवा मानसिक रोगी याच्या जाळ्यात अडकलेला व्यक्ती कधी काय करेल याचा नेम नाही. असाच काहीसा हैराण करणारं प्रकरण समोर आलं आहे. एका व्यक्तीनं स्वत:च्या मेंदूवर उपचार करण्यासाठी शेजाऱ्याचा खून केला. ७० वर्षीय शेजारील व्यक्तीची निर्घृण हत्या करत आरोपीने त्याच्या शरीराचे छोटे छोटे तुकडे केले आणि ते खाऊ लागला. हा किळसवाणा प्रकार ऐकून तुमच्याही अंगावर काटा आला असेल.
ही भयानक घटना अमेरिकेत घडली आहे. याठिकाणी हत्येचा संशयित आरोपी जेम्स डेविड रसेल या ३९ वर्षीय व्यक्तीला अटक केली आहे. या सनकी आरोपीनं ७० वर्षीय डेविड एम फ्लैगेट यांचा जीव घेतला. द सनच्या रिपोर्टनुसार, बोनर काऊंटीचे सरकारी वकील लुई मार्शल यांच्या तक्रारीत आरोपी रसेलवर नरभक्षक असल्याचा आरोप केला आहे. पोलिसांनी घटनास्थळी पाहणी केल्यानंतर संशयित आरोपीच्या घराची झडती घेतली त्याठिकाणी जे पाहिलं त्याने सगळेच हादरले.
संशयित आरोपीच्या घरी पोलिसांना मृत शरीराचे तुकडे आढळले. आरोपीच्या घरात एका माइक्रोवेव ओवन आणि काचेचे भांडे सापडले ज्यात रक्त भरले होते. तर शेजारीच रक्ताने माखलेली बॅग आणि चाकूही पडला होता. बोनर काउंटीचे डिटेक्टिव फिलिप स्टेला जेव्हा पोलिसांच्या टीमसोबत घटनास्थळी पोहचले तिथे त्यांना धक्का बसला. ते म्हणाले की, मृत्यू जेव्हा इतका भयानक असतो तेव्हा खूप वाईट वाटतं. इडाहोमध्ये नरभक्षक असल्याचं हे पहिलं प्रकरण आहे. हत्येनंतर पुरावे नष्ट करण्यासाठी आरोपीने क्लीन अप किटचाही वापर केला.
..म्हणून बनला नरभक्षक
या प्रकरणात पोलिसांनी गुन्हा दाखल केला असून आरोपपत्रात म्हटलं आहे की, मृताच्या मनगटाला टेपने बांधलेले होते. टेपच्या खाली रक्ताचा कोणताही मागमूस नव्हता. पोलिसांच्या चौकशीत आरोपीने सांगितले की, असे केल्याने आपली मानसिक समस्या दूर होईल आणि आपल्याला कोणत्याही डॉक्टरकडे जावे लागणार नाही, असे त्याला वाटत होते. मात्र या भयंकर प्रकारामुळे परिसरात दहशतीचं वातावरण पसरलं आहे.