बिहारच्या (Bihar Crime News) मुजफ्फरपूरमधून एक हैराण करणारी घटना समोर आली आहे. इथे एक व्यक्ती त्याच्या गर्लफ्रेन्डला घेऊन हॉटेलमध्ये गेला होता. याची खबर त्याच्या पत्नीला लागली. मग काय त्याची पत्नीही मागच्या बाजूने हॉटेलमध्ये पोहोचली आणि तिथे तिने एकच गोंधळ घातला. आजूबाजूचे लोक जमा झाले आणि हॉटेल कर्मचाऱ्यांनी पोलिसांना फोन केला. असं सांगितलं जात आहे की, प्रकरण वाढताना बघून महिलेचा पती गपचूप रिक्षात बसून तिथून फरार झाला.
पोलिसांनी महिलेची समजूत काढून महिलेला घरी परत पाठवलं आणि लिखीत तक्रार मिळाल्यावर कारवाई केली जाईल असं सांगितलं. महिला मिठनपुरा येथे राहणारी असून लग्नानंतर तिच्या पतीचे अनेक तरूणींसोबत संबंध आहेत. यामुळे पतीवर महिलेला संशय होता. ती त्याच्यावर नेहमीच लक्ष ठेवत होती.
पीडित महिला म्हणाली की, तिचा पती देशी दारू विकण्याचं काम करतो आणि गांजाही विकतो. त्याचे अनेक तरूणींसोबत अनैतिक संबंध आहेत. ज्यावरून दोघांचं नेहमीच भांडण होतं. महिलेने सांगितलं की, तिच्या पतीने तिला फोन करून सांगितलं की, त्याला एक चांगली तरूणी भेटली आहे. हॉटेलमध्ये येऊन बघ. मग महिला आपल्या लहान मुलाला घेऊन तिथे पोहोचली.
तेच याचप्रकरणी पोलिसांनी सांगितलं की, पती आणि पत्नीत खाजगी वाद सुरू आहे. महिलेला लिखीत तक्रार देण्यासाठी सांगण्यात आलं आहे. पण तिने अजूनपर्यंत लिखीत तक्रार दिलेली नाही. महिला म्हणाली की, गरज भासेल तेव्हा ती तक्रार देईल आणि निघून गेली. लिखीत तक्रार मिळाल्यावर पोलीस कारवाई करतील.