ईडीएएल कंपनीकडून एसीबीआय बँकेला ३३८ कोटींचा गंडा

कंपनीचे कार्यालय व त्यांच्या निवासस्थानी छापे मारून महत्त्वपूर्ण ऐवज जप्त केला.

मुंबई : बनावट कागदपत्रे व दस्तऐवज सादर करून एका खासगी कंपनीने स्टेट बँक आॅफ इंडियाच्या (एसबीआय) येथील शाखेची तब्बल ३३८ कोटी ५२ लाख रुपयांची फसवणूक केल्याचा प्रकार उघडकीस आला आहे. इ डी अ‍ॅल्युमिनियम लिमिटेड असे तिचे नाव असून केंद्रीय गुन्हा अन्वेषण शाखेने कंपनीचे अध्यक्ष सुदीप दत्ता व अन्य संचालकांविरुद्ध सोमवारी गुन्हा दाखल केला.कंपनीचे कार्यालय व त्यांच्या निवासस्थानी छापे मारून महत्त्वपूर्ण ऐवज जप्त केला. कांदिवली येथे मुख्यालय असलेल्या ईडीएएल ही कंपनी अ‍ॅल्युमिनियम फॉईल व रासायनिक औषधांच्या क्षेत्रात कार्यरत आहे. तिचे सीईओ दत्ता व इतरांनी संगनमत करून एसीबीआय बँकेत बनावट कागदपत्रे, दस्तऐवज सादर करून ३३८ कोटी ५२ लाख कर्ज उचलले. त्यानंतर ही रक्कम अन्य बोगस कंपनी व खात्यावर वर्ग केली.आॅडिटमध्ये बाब स्पष्टबँकेने केलेल्या आॅडिटमध्ये ही बाब स्पष्ट झाल्यानंतर सीबीआयने अध्यक्ष दत्ता तसेच संचालक दीपक भट्टाचार्य, गौतम मुखर्जी, आदींच्या विरुद्ध गुन्हा दाखल केला.