येलदरीत ट्रेलरने तोडले पुलाचे कठडे

येलदरी : परभणी-फाळेगाव या राज्य महामार्गावरील येलदरी धरणाजवळ असलेल्या अरुंद पुलावर एका ट्रेलरने पुलाचे संपूर्ण कठडे तोडले़ यामध्ये कोणतीही जीवित हानी झाली नाही़ ही घटना १७ मे रोजी रात्री घडली़ जिंतूर तालुक्यातील येलदरी नदीवरील पूल अरुंद असल्यामुळे गतवर्षी बस चालकाचे नियंत्रण सुटल्याने एकाला जीव गमवावा लागला़ तसेच काही महिन्यांपूर्वी या पुलावरून जाणार्‍या एका शेत कामगाराने समोरून मोठे वाहन आल्यानंतर घाबरून नदीमध्ये उडी मारली होती़ या अरुंद पुलावर दररोज छोटे मोठे अपघात होत आहेत़ अशा घटना घडूनही संबंधित विभाग नवीन पुलाची बांधणी करीत नाहीत़ त्यामुळे प्रवाशांचे जीव धोक्यात आले आहेत़ एखादी मोठी दुर्घटना घडल्यानंतरच संबंधित वरिष्ठ अधिकारी व लोकप्रतिनिधींना जाग येते की काय असा सवाल परिसरातील नागरिकांमधून केला जात आहे़ १७ मे रोजी या अरुंद पुलावरून ट्रेलर जात असताना वाहन चालकाला अंदाज न आल्याने या पुलावरील सर्वच कठडे उखडून टाकले़ चालकाने ट्रेलर जागेवर सोडून इंजीन घेऊन पळ काढला़ पाठीमागील सांगडा पुलावर मधोमध ठेवल्याने दिवसभर या महामार्गावरील वाहतूक ठप्प झाली होती़ या घटनेमुळे या पुलाचे मोठे नुकसान झाले आहे़ आता कठडे नसल्यामुळे या पुलावरून वाहतूक करणे धोक्याचे झाले आहे़ याकडे संबंधित विभागाने लक्ष देऊन नवीन पूल तयार करावा, अशी मागणी या परिसरातील ग्रामस्थांमधून केली जात आहे़ (वार्ताहर) क्रेनच्या सहाय्याने सांगाडा बाजुला केला ट्रेलरचा पाठीमागील मोठा सांगडा पुलावर उभा होता़ हा सांगडा काढण्यासाठी सुरुवातीला ट्रॅक्टरचा वापर करण्यात आला़ मात्र सांगडा हालत नसल्याने क्रेन मागवून घेतले़ क्रेनने सांगडा उचलत नसल्याने शेवटी हा सांगडा पुलाखाली ढकलण्यात आला़ त्यानंतरच या महामार्गावरील वाहतूक सुरळीत झाली़ या घटनेमुळे वाहतूक पूर्णत: खोळंबली होती़ वºहाडी बसले अडकून सध्या लग्न सराईचे दिवस आहेत़ १७ मे रोजी लग्नतिथी असल्याने सेनगाव व परभणीकडून लग्नासाठी जाणारे वºहाडी या पुलावर अडकून पडले़ त्यामुळे वºहाडी मंडळींची गैरसोय झाली़ परभणी, हिंगोली जिल्ह्यातील सार्वजनिक बांधकाम विभाग असून नसल्यात जमा आहे़ रस्ता व पुलाकडे या विभागाचे सर्रासपणे दुर्लक्ष होत आहे़ रस्त्याच्या दुतर्फा काटेरी झुडपांनी वेढले आहे़ याकडे लक्ष देणे गरजेचे आहे़