नासेर व याकुब हे गवंडी कामगार आहेत. दोघे दुचाकीवरून वैजापूरच्या दिशेने येत होते. तसेच तालुक्यातील भग्गाव येथील लक्ष्मण रहाटवळ हे आपल्या शेतवस्तीवर पायी जात होते. त्यावेळी अज्ञात वाहनाने दुचाकीला जोराची धडक दिल्याने नासेर शेख यांचा जागीच मृत्यू झाला. तर याकूब शेख हे गंभीर जखमी झाले. तसेच लक्ष्मण रहाटवळ यांच्या अंगावर दुचाकी धडकल्याने त्यांचा जागीच मृत्यू झाला. अपघातानंतर अज्ञात चालक वाहनासह फरार झाला.
शेतवस्तीवरील नागरिकांनी घेतली धाव
घटनेनंतर या महामार्गावरून जात असलेल्या एका प्रवाशाने लगतच्या शेतवस्तीवर जाऊन माहिती दिली. त्यानंतर शेतवस्तीवरील नागरिकांनी घटनास्थळी धाव घेऊन रुग्णवाहिका बोलावली. तिघांनाही वैजापूर उपजिल्हा रुग्णालयात दाखल केले असता डॉक्टरांनी नासेर शेख व लक्ष्मण रहाटवळ या दोघांना तपासून मृत घोषित केले. याकूब शेख यालाही गंभीर दुखापत झाली असून त्याच्यावर सध्या खासगी रुग्णालयात उपचार सुरू आहेत. याप्रकरणी वैजापूर पोलीस ठाण्यात अकस्मात मृत्यूची नोंद करण्यात आली. पुढील तपास फौजदार सी. एम. चरभरे हे करीत आहेत.
----
दोन फोटो पाठवले.
100721\img-20210710-wa0222.jpg
लक्ष्मण जगन्नाथ रहाटवळ (४५, रा. भग्गाव) अपघातात मृत्यू