छत्रपती संभाजीनगर : डॉ.बाबासाहेब आंबेडकर मराठवाडा विद्यापीठातील वरिष्ठ अधिकारी, काही विभागप्रमुखांचे खांदेपालट करण्यात आले. त्यात १० अधिकारी आणि तीन विभागप्रमुखांचा समावेश असल्याची माहिती कुलसचिव डॉ.भगवान साखळे यांनी दिली.
विद्यापीठाचे कुलगुरू डॉ.प्रमोद येवले यांच्या आदेशाने कुलसचिवांनी बदल्यांचे आदेश जारी केले. विद्यापीठाच्या शैक्षणिक विभागाचे उपकुलसचिव डॉ.संजय कवडे यांची बदली लेखा विभाग, परीक्षेतील डॉ.गणेश मंझा शैक्षणिक विभागात, विशेष कक्षाचे व्ही.आर. मोरे परीक्षा विभागात, वरिष्ठ सहायक एस.बी. साठे लेखा विभागातून परीक्षा विभागात, एस.व्ही. चित्रक आस्थापनेतून परीक्षा विभागात, डॉ.डी.एच. वाल्हेकर हे परीक्षेतून आस्थापनेत, एन.आर.कडू परीक्षेतून विद्यार्थी कल्याण, सामान्य प्रशासनाचे आर.एस. जावळे विद्यार्थी कल्याण, दीनदयाल उपाध्याय कौशल केंद्रातील भाषा प्रयोगशाळा सहायक ए.पी.दहिभाते यांची युनिक आणि आस्थापनेतील शिपाई आर.बी. मुंगसे यांची अतिथीगृह येथे बदली करण्यात आली आहे.
तीन विभागप्रमुख बदलले
गोपीनाथराव मुंडे राष्ट्रीय ग्रामीण विकास व संशोधन संस्थेचे संचालक डॉ.भगवान साखळे यांच्या जागी समाजशास्त्र विभागातील डॉ.संजय साळुंके, समाजकार्य महाविद्यालयाच्या प्राचार्यपदी डॉ.संजय साळुंके यांच्याऐवजी प्रा.पी.एम. शहापूरकर आणि क्रीडा विभागाच्या प्रभारी संचालकपदी प्रा.संदीप जगताप यांची नियुक्ती करण्यात आली. त्यातील प्रा.शहापूरकर आणि प्रा.जगताप यांनी पदभार स्वीकारला आहे.