सोमवार, दि. ३० नोव्हेंबर २०२०
राष्ट्रीय भारतीय सौर दिनांक अग्रहायन ९ , १९४२. तिथी : कार्तिक शुक्ल पौर्णिमा. श्री शालिवाहन शके १९४२. शार्वरी नाम संवत्सर. नक्षत्र: रोहिणी. रास: वृषभ. आज: चांगला दिवस. कार्तिक स्नान समाप्ती. तुळशी विवाह समाप्ती. श्री गुरु नानकदेव जयंती. राहू काळ: सकाळी ७:३० ते ९ (राहू काळात महत्त्वाची कामे टाळा)
.........................................
मेष :
बरेच दिवस आपण वाट पाहत असलेला क्षण आला आहे. तुमच्या इच्छा पूर्ण होतील. शिक्षण क्षेत्रात काम करीत असाल तर प्रशिक्षण घ्यावे लागेल. विद्यार्थ्यांना अभ्यासात गोडी निर्माण होईल.
वृषभ :
दिवस मजेत जाईल. कामाचा ताण हलका होईल. स्वतःसाठी काही खरेदी कराल. व्यवसायात काहीशी मंदी जाणवेल. पण आवश्यक ते बदल केले तर निश्चितच फरक पडेल.
मिथुन :
बरीच राहिलेली कामे आज पूर्ण करावी लागतील. घर आणि काम यांची सांगड घालावी लागेल. वेळापत्रक आखून कामे करा. कागदपत्रावर न वाचता सही करू नका. खात्री करूनच सही करा.
कर्क :
मुलांबरोबर वेळ घालवाल. त्यांच्या मागण्या पूर्ण कराव्या लागतील. कामाचा ताण बराच कमी होईल. त्यामुळे बाकी कामे पूर्ण करता येतील. व्यवसायात पैसे वसूल करता येतील.
सिंह :
आपल्यात बदल करावा लागेल. परिस्थितीप्रमाणे स्वतःला बदला. म्हणजे तुमचा उद्देश पूर्ण होईल. गरज पडल्यास मोठ्यांचा सल्ला घ्या. मुलांना आनंदी दिवस असेल.
कन्या :
योग्य मार्गदर्शन मिळेल. त्यामुळे विद्यार्थ्यांचा अभ्यासाचा ताण जाईल. तुमचा जर पर्यटनाचा व्यवसाय असेल तर त्याला बऱ्यापैकी वेग मिळेल. नवीन काम मिळाल्यामुळे आपण खूश असाल.
तुळ:
जवळच्या लोकांचा मानसिक आधार मिळेल. त्यामुळे आपली काळजी दूर होईल. काहींना घरून आर्थिक मदत पण मिळू शकेल. अतिउत्साहात स्वतःकडे नीट लक्ष दिले नाही तर तब्येतीच्या तक्रारी चालू होतील.
वृश्चिक :
तुम्ही मंगल कार्यात भाग घ्याल किंवा तसे निमंत्रण येईल. नवरा-बायकोतील वाद कमी होतील. भागीदारी व्यवसाय लाभ मिळवून देतील. इतर व्यवसायांना सामान्य दिवस असेल.
धनु :
नोकरीच्या शोधात असाल तर कॉल येईल. तसेच नोकरीत बदल करू इच्छित असाल तसे प्रयत्न सुरू ठेवावेत. आईशी वाद होण्याची शक्यता आहे. कामे सांभाळून करा. दुखापत होऊ शकते.
मकर :
काही विशेष उद्देशाने काम करीत असाल तर आज त्यात यश नक्की मिळेल. मुलांच्या प्रगतीमुळे आपण आनंदी व्हाल. मुलांच्या मदतीने भविष्याचे आर्थिक नियोजन केले तर चांगले राहील.
कुंभ :
घरातील वाद कमी होतील. गैरसमज दूर होतील. नवीन खरेदीचे बेत ठरतील. नवीन व्यवसाय करणाऱ्यांना घरून आधार मिळेल. त्यामुळे पूर्ण विश्वासाने कामाला सुरुवात करता येईल.
मीन :
मित्रांच्या मदतीला धावून जावे लागेल. घरात घाईगडबडीचे वातावरण राहील. नोकरीत सहकारी मित्रांची मदत मिळेल. त्यामुळे काम सोपे होईल. पैशाचे व्यवहार मात्र जरा जपूनच करा.