रस्त्यावरील खड्ड्यांमध्ये पावसाचे पाणी साचले असून जणू तळ्याचे स्वरुप प्राप्त झाले आहे. त्यामुळे पाच मिनिटाच्या या रस्त्यासाठी पंधरा ते वीस मिनिटे लागतात. काही दिवसांपूर्वी रस्त्याच्या दुरुस्तीचे काम झाले होते; परंतु अपुऱ्या निधीअभावी काम थातूरमातूर पद्धतीने करण्यात आले. गाव मोठे असल्याने या रस्त्यावर नेहमीच वर्दळ असते; परंतु याकडे लक्ष देण्यास कोणालाही वेळ नाही. गेल्या वीस ते पंचवीस वर्षांपासून रस्त्याची ही दुरवस्था झालेली आहे. पावसामुळे दररोज छोटे-मोठे अपघात या रस्त्यावर घडत आहेत. संपूर्ण रस्ता चिखलमय झाला आहे. वाहतुकीसाठी हा रस्ता धोकादायक झालेला असून वाहनधारकांना कंबर व मणक्याचे आजार जडले आहेत. हा रस्ता कधी दुरुस्त होणार असा प्रश्न गावकरी उपस्थित करीत आहेत.
170921\img_20210712_084722.jpg
कसाबखेडा जिल्ला परीषद शाळेसमोरील हे छायाचित्र खड्डे व पाणी तुंबलेले असल्यामुळे नागरिकांचे मोठे हाल होत आहे
छायाचित्र बाळकृष्ण दवंडे कसाबखेडा