औरंगाबाद : दोन गटांत शनिवारी रात्री झालेल्या तुंबळ हाणामारीत दोन्ही गटांतील प्रत्येकी सात ते आठ जण जखमी झाले होते. पोलिसांनी दोन्ही गटांतील चार जणांना रविवारी रात्री अटक केली. चारही आरोपींना न्यायालयात हजर करण्यात आले असता प्रथम वर्ग न्यायदंडाधिकारी आर.के. देशपांडे यांनी सोमवारी त्यांना २९ मार्चपर्यंत पोलीस कोठडी सुनावली.
फय्याज बशीर पठाण (३०, रा. बायजीपुरा), फिरोज खान जहूर खान पठाण (२२, रा. गल्ली नं. ३, हुसेन कॉलनी), शेख अमजद ऊर्फ अज्जू शेख खैरू (२७, रा. गल्ली नं. ६, हुसेन कॉलनी) आणि शेख मोहसीन शेख बागवान (२३, रा. त्रिमूर्ती चौक, जवाहर कॉलनी) अशी आरोपींची नावे आहेत. सहायक सराकरी वकील बालाजी गवळी यांनी सरकारतर्फे काम पाहिले.