वाळूज महानगर : साजापूर चौफुली ते शरणापूरकडे जाणाऱ्या रस्त्यावर ठिकठिकाणी खड्डे पडले आहेत. या खड्ड्यांमुळे वाहनधारकांना कसरत करावी लागत असून, अपघाताचा धोका वाढला आहे.
वाळूज औद्योगिक वसाहतीत ये-जा करण्यासाठी हा जवळचा मार्ग असल्यामुळे करोडी, शरणापूर, माळीवाडी, दौलताबाद, अब्दीमंडी आदी भागांतील अनेक कामगार दररोज कामासाठी ये-जा करीत असतात.
याच बरोबर उद्योगनगरीत मालाची ने-आण करणारी अनेक जडवाहनांची या रस्त्यावरुन वर्दळ असते. आजघडीला या रस्त्यावर ठिकठिकाणी खड्डे पडले आहे. या खड्ड्यांमुळे कामगारांची गैरसोय होत आहे. याकडे लक्ष देण्याची मागणी होत आहे.