येथील रहिवासी शांतीलाल जयवंतराव निकम हे शेती करतात. शहरातील खासगी रुग्णालयात निकम यांच्या पत्नीला उपचारांसाठी १६ जानेवारी रोजी दाखल केले होते. यामुळे निकमदेखील त्यांच्यासोबत रुग्णालयात रात्री मुक्कामी होते. ही संधी साधून दाराचे कुलूप तोडून चोरटे घरात शिरले. घरातील पेटीतून रोख ५५ हजार रुपये आणि सुमारे सव्वालाखाचे सोन्याचे दागिने चोरुन नेले. दुसऱ्या दिवशी सकाळी निकम हे घरी गेले असता कडीकोंडा तुटलेला दिसला. त्यांनी छावणी पोलीस ठाण्यात तक्रार नोंदविली. पोलिसांनी घटनास्थळी धाव घेऊन पंचनामा करून गुन्हा नोंदविला.
========
शेजाऱ्याची मोटारसायकल नेली
निकम यांचे शेजारी बाबासाहेब तुकाराम ढेपे यांची घरासमोर उभी केलेली मोटारसायकल चोरट्यांनी लंपास केल्याचे रविवारी सकाळी त्यांना समजले. ढेपे यांनी छावणी ठाण्यात तक्रार नोंदविली.