नाशिकचा औरंगाबादवर डावाने दणदणीत विजय

नाशिक संघाने आपल्या घरच्या मैदानावर झालेल्या एमसीएच्या १४ वर्षांखालील निमंत्रित संघांच्या क्रिकेट स्पर्धेत औरंगाबाद संघावर एक डाव आणि ७५ धावांनी दणदणीत विजय मिळवला. नाशिकने त्यांचा पहिला डाव ८ बाद ३०५ धावांवर घोषित केला.

औरंगाबाद : नाशिक संघाने आपल्या घरच्या मैदानावर झालेल्या एमसीएच्या १४ वर्षांखालील निमंत्रित संघांच्या क्रिकेट स्पर्धेत औरंगाबाद संघावर एक डाव आणि ७५ धावांनी दणदणीत विजय मिळवला.नाशिकने त्यांचा पहिला डाव ८ बाद ३०५ धावांवर घोषित केला. त्यानंतर औरंगाबादने संकेत पाटीलच्या ४७ धावांच्या बळावर पहिल्या डावात सर्वबाद १२१ धावा केल्या. नाशिककडून रोशन वाघसरे याने ३२ धावांत ५ व साहील बैरागी याने २४ धावांत ३ गडी बाद केले. त्यानंतर फॉलोआॅन घेऊन खेळणाºया औरंगाबादचा दुसरा डाव पत्त्याच्या बंगल्याप्रमाणे २३.३ षटकांतच १०९ धावांत कोसळला. औरंगाबादकडून दुसºया डावात यशोवर्धन पवार याने ३९, वंश सलगरे याने २० व अंश ठोकळ याने १६ धावा केल्या. नाशिककडून साहील बैरागी याने २६ धावांत ४, आर्यन सोळंकीने ३३ धावांत ३ व आर्यन चव्हाण याने १७ धावांत २ गडी बाद करीत त्यांच्या संघाच्या विजयात निर्णायक योगदान दिले.संक्षिप्त धावफलकनाशिक (पहिला डाव) : ८ बाद ३०५ (घोषित). औरंगाबाद (पहिला डाव) : १२१. दुसरा डाव : २३.३ षटकांत सर्वबाद १०९. (यशोवर्धन पवार ३९, वंश सलगरे २०, अंश ठोकळ १६. साहील बैरागी ४/२६, आर्यन सोळंकी ३/३३).