एमआर, स्कोडा संघ विजयी

गरवारे क्रीडा संकुलावर सुरू असलेल्या सहाव्या राम कमला औद्योगिक टी २० क्रिकेट स्पर्धेत एमआर इलेव्हन संघाने आयुर्विमा संघावर तर स्कोडा आॅटो संघाने पीडब्ल्यूडी संघावर १० धावांनी मात केली. विपुल भोंडे व सिराज काझी हे आज झालेल्या सामन्यात सामनावीर ठरले.

औरंगाबाद : गरवारे क्रीडा संकुलावर सुरू असलेल्या सहाव्या राम कमला औद्योगिक टी २० क्रिकेट स्पर्धेत एमआर इलेव्हन संघाने आयुर्विमा संघावर तर स्कोडा आॅटो संघाने पीडब्ल्यूडी संघावर १० धावांनी मात केली. विपुल भोंडे व सिराज काझी हे आज झालेल्या सामन्यात सामनावीर ठरले.पहिल्या सामन्यात एलआयसी संघाने प्रथम फलंदाजी करताना १९.४ षटकांत सर्वबाद ८० धावा केल्या. त्यांच्याकडून दिनेश नाकीलने २८ चेंडूंत ४ चौकारांसह २४ धावा केल्या. एमआर इलेव्हनकडून सिराज काझीने ७ धावांत ३ गडी बाद केले. त्याला व्यंकटेश सोनवलकर व सय्यद जलील यांनी २ गडी बाद करून साथ दिली. प्रत्युत्तरात एमआर इलेव्हन संघाने ६ गडी गमावून विजयी लक्ष्य गाठले. त्यांच्याकडून ऋषिकेश नायरने २० चेंडूंत ३ चौकार व एका षटकारासह नाबाद ३० व शेख वसीमने १२ चेंडूंत २ चौकार, २ षटकारांसह २८ धावा केल्या. आयुर्विमा संघाकडून सुशील गणोरकरने २९ धावांत ३ व दिनेश नाकीलने २ गडी बाद केले.दुसºया सामन्यात स्कोडा आॅटोने शैलीदार फलंदाज करून विपुल भोंडे याच्या ३३ चेंडूंतील ६ चौकारांसह फटकावलेल्या ५२ धावांच्या बळावर २० षटकांत सर्वबाद १०८ धावा केल्या. विपुल भोंडेशिवाय संदीप खोसरेने १८ धावा केल्या. पीडब्ल्यूडीकडून मनोज घोडकेने २२ धावांत ३ आणि नीरज देशपांडेने १६ धावांत ३ गडी बाद केले. मनोज दाभाडेने २ गडी बाद केले. प्रत्युत्तरात पीडब्ल्यूडीचा संघ १९.४ षटकांत ९८ धावांत गारद झाला. त्यांच्याकडून मनोज दाभाडेने ३० व असद अली याने २८ व योगेश चव्हाणने १६ धावा केल्या. स्कोडा संघाकडून विजय मेहेत्रेने १५ धावांत ४ व योगेश भागवतने ४ धावांत ३ गडी बाद केले. शेख नझीमने २६ धावांत २ बळी घेतले.