कर्नाटकच्या बसेसवर ‘जय महाराष्ट्र’चे स्टीकर

लातूर :महाराष्ट्र नवनिर्माण सेनेच्या वतीने कर्नाटकच्या बसेसवर ‘जय महाराष्ट्र’ स्टीकर लावून शुक्रवारी मध्यवर्ती बसस्थानकात आंदोलन केले.

लोकमत न्यूज नेटवर्कलातूर : ‘जय महाराष्ट्र’ म्हणण्यास कर्नाटक शासनाने बंदी घातली आहे. याच्या निषेधार्थ महाराष्ट्र नवनिर्माण सेनेच्या वतीने कर्नाटकच्या बसेसवर ‘जय महाराष्ट्र’ स्टीकर लावून शुक्रवारी मध्यवर्ती बसस्थानकात आंदोलन केले. कर्नाटकचे मंत्री रोशन बेग यांच्या निषेधाच्या घोषणाही देण्यात आल्या. बंदी आदेश मागे नाही घेतला तर कर्नाटकाची एकही बस महाराष्ट्रात येऊ देणार नाही, असा इशारा दिला. आंदोलनात किरण चव्हाण, मनोज अभंगे, किसन कदम, भागवत कागदे आदी सहभागी होते.