छत्रपती संभाजीनगर : ‘दख्खनचा ताज’ पाहण्यासाठी येणाऱ्या पर्यटकांची सध्या पार्किंग चालकाकडून सर्रास लूट सुरु आहे. भारतीय पुरातत्त्व सर्वेक्षणच्या म्हणण्यानुसार, दुचाकीच्या पार्किंगसाठी ४ तासांसाठी १० रुपये शुल्क आहे; परंतु पार्किंग चालकाकडून मनमानी पद्धतीने दुप्पट वसुली केली जात आहे. चारचाकीसाठीही अशीच मनमानी ‘वसुली’ केली जात आहे. याकडे भारतीय पुरातत्त्व सर्वेक्षणचा मात्र कानाडोळा होत आहे.
पर्यटनाचा हंगाम सुरू झाला आहे. दिवाळीच्या सुट्यांमुळेही बीबी का मकबऱ्याकडे पर्यटकांची पावले वळू लागली आहे. या सगळ्यात पार्किंगमधील मनमानी वसुलीविषयी पर्यटकांमधून संताप व्यक्त होत आहे. परिसरातील पार्किंगमध्ये शुल्काचा फलकच नसल्याने पर्यटक गोंधळात पडतात आणि पार्किंगचालक त्याचा गैरफायदा घेतात.
शुल्काचा फलक गायबबीबी का मकबरा परिसरातील पार्किंगमध्ये शुल्काचा फलकच नाही. त्यामुळे पार्किंगचे शुल्क किती आहे, हे पर्यटकांना कळू शकत नाही.
रस्त्यावरही पार्किंगबीबी का मकबऱ्यासमोर थेट रस्त्यावरही पार्किंगची सोय करण्यात आली आहे. याठिकाणीही दुचाकी, चारचाकीधारकांकडून मनमानी पद्धतीने शुल्क वसुली केली जात आहे.
मकबरा परिसरातील पार्किंग शुल्कवाहन प्रकार- ४ तासांसाठी- ४ तासांपेक्षा अधिक वेळबस, मिनी बस - ६० रु. -८० रु.कार, तीन चाकी- ३० रु.- ५० रु.दुचाकी - १० रु.- २० रु.सायकल - ५ रु. - १० रु.
चौकशी केलीयाविषयी मी चौकशी केली. पार्किंगमधील बोर्ड खराब झाला आहे. आता त्याची दुरुस्ती केली जात आहे. लवकरच तो बसवला जाईल.- डाॅ. शिवकुमार भगत, अधीक्षक, भारतीय पुरातत्त्व सर्वेक्षण.
Web Summary : Tourists visiting BB ka Maqbara are being overcharged for parking. Despite fixed rates by the Archaeological Survey of India, parking operators are charging double. A rate display board is also missing, exacerbating the issue. Authorities are investigating and promise a new board soon.
Web Summary : बीबी का मकबरा घूमने आने वाले पर्यटकों से पार्किंग के लिए ज़्यादा पैसे लिए जा रहे हैं। भारतीय पुरातत्व सर्वेक्षण द्वारा निर्धारित दरों के बावजूद, पार्किंग संचालक दोगुना शुल्क वसूल रहे हैं। दर प्रदर्शन बोर्ड भी गायब है, जिससे समस्या और बढ़ गई है। अधिकारी जांच कर रहे हैं और जल्द ही एक नया बोर्ड लगाने का वादा कर रहे हैं।