ग्रीटिंग कार्डपेक्षा व्हॉटस् अ‍ॅपवर शुभेच्छांचा पाऊस

सोमनाथ खताळ , बीड‘नाती जपली की सगळं काही जमतं,हळूहळू का होईनाकोणी आपलसं बनतंओळख नसली तरी साथ देऊन जातं,मैत्रीचं नातं आयुष्यातखूप काही शिकवून जातं..’‘हॅपी न्यू ईअर इन अ‍ॅडव्हान्स..!’ या सारखे एक से बढकर एक मेसेज आता प्रत्येकाच्या मोबाईलवर धडकताना दिसत आहेत. एकूणच नवीन वर्षाच्या शुभेच्छा देण्यात प्रत्येकजन व्यस्त झाला आहे.नवीन वर्षाच्या आगमनाला आता अवघे चार दिवस बाकी आहेत. त्यामुळे प्रत्येकाचा उत्साह शिगेला पोहोचला आहे. नवीन वर्ष म्हटलं की, शुभेच्छा द्यायच्या.. संकल्प करायचा... केलेला संकल्प पाळायचाच.. हा निर्धार स्वत:शीच करायचा. असे अनेक प्रकार सध्या तरूणाईसह जेष्ठ नागरीक करताना दिसून येत आहे. अवघे काही दिवस शिल्लक बाकी असल्याने आपणच आपल्या मित्राला, नातेवाईकाला आगोदर कशाप्रकारे शुभेच्छा अ‍ॅडव्हान्समध्ये देवू यासाठी प्रत्येकजण प्रयत्न करीत आहे.खर्चाला फाटा देण्याचा फंडा३१ डिसेंंबर आणि १ जानेवारी या दोन दिवसात मोबाईलवरून मेसेज करणे महागात पडते. त्यामुळे या खर्चाला फाटा देत तरूणाईने आतापासूनच शुभेच्छा द्यायला सुरूवात केली आहे.‘बॉस’कडे रजेचे अर्जनवीन वर्षाचे स्वागत आनंदात करता यावे, त्या दिवशी ‘एन्जॉय’ खूूप करायचा, यासाठी सुट्टी तर लागणारच.. म्हणून अनेकांनी आतापासूनच बॉसच्या टेबलवर रजेचे अर्ज ठेवले आहेत. परवानगी मिळावी यासाठी विनवणी करीत आहेत.४थर्टी फर्स्ट ची तयारी जोरात चालू आहे. प्रत्येकाने नियोजन केले आहे. अनेकांनी तर ‘त्या’ दिवसाचे आतापासूनच मॅनेजमेंट केले आहे. नवनवीन फंडे अवलंबिले जात आहेत. वेळ कमी असल्यामुळे स्थळ व स्वरूप निश्चित करण्यावर भर आहे़४पूर्वी ग्रीटींग कार्डद्वारे शुभेच्छा दिल्या जायच्या. मात्र आता काळ बदलला आहे. स्पर्धेच्या युगात लवकरात लवकर शुभेच्छा पोहोचतील यासाठी प्रयत्न करीत आहेत. त्यामुळे तरूणाईने ग्रीटींग कार्डला फाटा देत सोशल मीडियावरून शुभेच्छा देण्यास पसंती दिली जात आहे. मात्र ग्रीटींग कार्डद्वारे दिलेल्या शुभेच्छांचा आनंदच वेगळा असतो, असे अनेक जेष्ठ व्यक्तींनी सांगितले. ५ ते ५०० रूपयांपर्यंत किंमतीचे कार्ड बाजारात विक्रीसाठी आले आहेत.नवीन वर्षाच्या हार्दिक शुभेच्छा, नवीन वर्ष सुख, समृद्धीचे जावो... यासारख्या विविध पोस्ट मागील तीन दिवसांपसून फेसबुकवर ‘अपलोड’ केल्या जात आहेत. याला ‘लाईक’ आणि ‘कमेंट्स’चा ढिगारा जमत आहे.