औरंगाबाद : जिल्हा रुग्णालयात उपचार सुरू असलेल्या २३ कोरोनाबाधीतांपैकी ९रुग्णांचा १४ दिवस उपचार कालावधी पुर्ण झाला आहे. यापैकी ७ रुग्णांचे दोन्ही अहवाल निगेटिव्ह आले असल्याची माहिती डॉ. प्रदीप कुलकर्णी यांनी दिली. त्यामुळे एकाच दिवशी औरंगाबादेत ७ जण कोरोनामुक्त झाले आहेत.
कोरोनाच्या विळख्यात जिल्हा रुग्णालयात गेल्या १४ दिवसांपासून उपचार सुरू असलेल्या ९ करोनाबधितांपैकी ८ जणांचा अहवाल शनिवारी निगेटिव्ह आला. या ८ जणांचे शनिवारी आणखी एक स्वब घेण्यात आला. त्यात ७ जनांचा अहवाल निगेटिव्ह आल्याने आता त्यांची रुग्णालयातून सुटी होईल.