ठळक मुद्देऔरंगाबादेत कोरोनाने ओलांडले अर्धशतक,
औरंगाबाद : औरंगाबादेत कोरोनाने रविवारी सकाळी अर्धशतकाचा आकडा ओलांडला. शहरात आणखी दोन पॉझिटिव्ह आढळले असून, आता शहरातील रुग्णसंख्या ५१ वर गेली.
आसेफिया कॉलनी आणि समतानगर येथील दोन महिलांचा अहवाल पॉझिटिव्ह आला. ३५ आणि ६५ वर्षाच्या या महिला आहेत, अशी माहिती जिल्हा शल्यचिकित्सक डॉ. एस. व्ही. कुलकर्णी यांनी दिली.
शहरात गेल्या आठ दिवसांपासून कोरोनाचा प्रादुर्भाव मोठ्या प्रमाणावर वाढत आहे. शनिवारी सकाळी तीन कोरोना पॉझिटिव्ह आढळून आल्यानंतर सायंकाळी आणखी दोन रुग्णांची भर पडली होती. यामुळे शहरातील कोरोना बाधितांची संख्या ४९ वर गेली. आता रविवारी सकाळी आणखी दोन जणांचा अहवाल पॉझिटिव्ह आला. यामुळे शहरातील रुग्णसंख्या ५१ वर गेली आहे.