अज्ञात माथेफिरूने गाईचे दोन्ही पाय तोडले

रामपूर-माथरा जंगलातील घटना

फोटो

सास्ती : राजुरा तालुक्यातील रामपूर- माथरा जंगल परिसरात अज्ञात माथेफिरूने गाईला झाडाला बांधून तिचे समोरील दोन्ही पाय तोडले. गाईला तडफडत जंगलात ठेवून तो पसार झाला. ही क्रूर घटना रविवारी उघडकीस आली. रामपूर येथील हरिचंद्र जीवतोडे यांच्या मालकीची ती गाय आहे.

रामपूर येथील हरिचंद्र जीवतोडे दुधाचा व्यवसाय करून आपल्या कुटुंबाचा उदरनिर्वाह करतात. त्यांच्याकडे पाळीव जनावरे आहे. त्यापैकी एका गरभार गाईला अज्ञात माथफिरूने जंगलातील झाडाला बांधून तिचे समोरील दोन्ही पाय तोडले. तडफडत असलेल्या गाईला तेथेच सोडून तो पसार झाला. याबाबतची माहिती पोलीस उपनिरीक्षक साखरे यांना दिली. त्यांनी मौका चौकशी व पंचनामा करून अज्ञात इसमावर गुन्हा दाखल केला आहे. या घटनेमुळे हरिचंद्र जीवतोडे यांचे मोठे नुकसान झाले असून, त्या माथेफिरूला अटक करून कडक कारवाई करावी, तसेच जीवतोडे यांना आर्थिक मदत द्यावी, अशी मागणी रामपूरच्या सरपंच वंदना गौरकर यांनी केली आहे.

250721\2023-img-20210725-wa0042.jpg

हीच ती पाय तोडलेली गाय