सावरगाव : नागभीड तालुक्यातील उश्राळमेंढा येथील श्री गुरुदेव पुरुष बचत गटाच्या सर्व सभासदांच्या वतीने स्वयंप्रेरणेने गायमुख देवस्थान येथे व उश्राळमेंढा - वाढोणा या मार्गांवर दुतर्फा फळझाडांची लागवड करून वृक्षारोपणाचा कार्यक्रम रविवारी पार पडला.
तालुक्यातील उश्राळमेंढा या गावातील तरुण नेहमी उपक्रमशील असतात. आणि गावकरी सुद्धा नेहमी सामाजिक कार्यासाठी पुढे येत असतात. पर्यावरणाला आपला हातभार लागावा, या उद्देशाने प्रेरित होऊन उश्राळमेंढा येथील गुरुदेव पुरुष बचत गटाच्या सभासदांच्या वतीने गायमुख देवस्थान येथे व उश्राळमेंढा - वाढोणा मार्गावर विविध वृक्ष लावण्यात आले. या उपक्रमात बचत गटाचे अध्यक्ष जयेश लोंढे, सचिव प्रशांत लोंढे, सदस्य दिलीप भानारकर, रवींद्र लोंढे, भास्कर दूधपचारे, चोकेश्वर कुंभरे, संजय टिकले, जागेश्वर कापगते, मच्छिंद्र नागतोडे, प्रदीप लोंढे, क्रिष्णा थेरकर, मधुकर टिकले, स्वप्नील बोरकर यांनी सहभाग दर्शविला होता.