लोकमत न्यूज नेटवर्कचंद्रपूर : ताडोबा-अंधारी व्याघ्र प्रकल्पाच्या कोअर क्षेत्रातील पर्यटनाला १ ऑक्टोबरपासून सुरूवात होणार आहे. कोरोनाच्या पार्श्वभूमीवर आतापर्यंत केवळ बफर झोन क्षेत्रातच पर्यटनाला परवानगी होती. मात्र, राज्य सरकार व राष्ट्रीय व्याघ्र संरक्षण प्राधिकरणाने पर्यटकांसाठी विविध प्रतिबंधात्मक उपाययोजना करून कोअर क्षेत्रातही पर्यटन सुरू करण्याच्या सूचना दिल्या. त्यामुळे पर्यटकांनी व्याघ्र प्रकल्पाच्या संकेतस्थळावर नोंद करण्याचे आवाहन ताडोबा- अंधारी प्रकल्प संचालक डॉ. जितेंद्र रामगावकर यांनी केले. कोअर क्षेत्रातील पर्यटनासाठी खुल्या जीपमध्ये वाहन चालक, मार्गदर्शक व चार पर्यटकांनाच प्रवेश देण्यात येणार आहे. १० वर्षांखालील व ६५ वर्षांवरी व्यक्ती व गर्भवती महिलांना पर्यटनासाठी प्रवेश दिला जाणार नाही. यापूर्वी राज्य शासनाच्या संकेतस्थळावर नोंदणी करावी लागत होती. मात्र, आता ताडोबा प्रकल्पाने स्वत:चे संकेतस्थळ तयार केले असून त्यावरही १६ सप्टेंबरपासून बफर व कोअर झोन पर्यटनाची नोंदणी करता येणार आहे.
ताडोबा व्याघ्र प्रकल्पाच्या कोअर क्षेत्रात १ ऑक्टोबरपासून पर्यटन सुरू
By लोकमत न्यूज नेटवर्क | Updated: September 14, 2020 21:29 IST