बल्लारपूर : नगरपालिकेच्यावतीने येथील गांधी वाॅर्डातील पोलीस कॉलनीत ओपन जीम उघडण्यात आले आहे.
लहान मुले तसेच मोठ्यांना व्यायाम करण्याकरिता ही उत्तम सोय नगरसेविका सारिका कनकम यांच्या प्रयत्नाने करण्यात आली आहे. या जीमचे उद्घाटन नगराध्यक्ष हरिष शर्मा यांच्या हस्ते व बल्लारपूरचे पोलीस निरीक्षक उमेश पाटील यांच्या प्रमुख उपस्थितीत झाले. याप्रसंगी जगदीश सिंह गहेरवार, रामधन सोमानी, अशोक गुप्ता, रमेश बरडे, चंद्रहर्ष जीवतोडे या व्यापारी बांधवांचा सत्कार शाल व श्रीफळ देऊन करण्यात आला. सामाजिक कार्यकर्त्या उन्नती टेकाडे, परिचारिका भारती मद्देलवार यांचाही करोना योद्धा म्हणून सत्कार करण्यात आला. या कार्यक्रमात पोलीस कर्मचारी सतीश पाटील, भास्कर कुंदावार, अजय हेडाऊ, प्रकाश मडावी, सतीश कनकम, मनीष तिवारी यांची उपस्थिती होती.