ठळक मुद्देनागरिकांनी व्यक्त केला संताप
लोकमत न्यूज नेटवर्कचंद्रपूर : काँग्रेसचे लोकसभा उमेदवार सुरेश उर्फ बाळू धानोरकर यांनी वरोरा येथील मतदान केंद्रावर रांग तोडून मतदान केले. यामुळे येथील मतदारांमध्ये संतापाचे वातावरण होते.वरोरा येथील लोकमान्य ज्युनियर कॉलेजमधील मतदान केंद्र क्रमांक १६८ वर काँग्रेसचे उमेदवार बाळू धानोरकर सकाळी ७.१५ वाजता मतदान करण्यासाठी गेले. दरम्यान या केंद्रावर ते येण्यापूर्वीच काही मतदार रांगेत उभे होते. मात्र धानोरकर यांनी थेट मतदान अधिकाऱ्यांकडे जाऊन मतदान केले. यामुळे रांगेतील काही मतदारांनी नाराजी व्यक्त केली. यासंदर्भात धानोरकर यांना विचारले असता, आपण रांग तोडून मतदान केले नसून रांगेतील समोरील मतदारांनीच आपल्याला प्रथम मदतान करण्यास सांगितल्यामुळे आपण रांगेत न लागता मतदान केल्याचे त्यांनी सांगितले.