भद्रावती : लॉकडाऊन काळात व्यवसाय ठप्प झाल्यामुळे ऑटोरिक्षाचालकांना स्वतःचे आणि परिवाराचे पोट भरणे खूप कठीण झाले होते. त्यामुळे ऑटोरिक्षा चालकांसमोर उदरनिर्वाहाचा खूप मोठा प्रश्न निर्माण झाला होता. त्याची दखल घेत नगराध्यक्ष अनिल धानोरकर, उपाध्यक्ष संतोष आमने, शाहिद अली, अमित गुंडावार, अब्बास अली, अविनाश सिद्धमशेट्टीवार, तसेच जय भोले किराणा स्टोअर यांच्या माध्यमातून संयुक्त मदत करण्यात आली.
याप्रसंगी ऑटोरिक्षाचालकांना किराणा किटचे वाटप करण्यात आले. याप्रसंगी किराणा किट वितरण कार्यक्रमाचे अध्यक्ष म्हणून नगराध्यक्ष अनिल धानोरकर, प्रमुख अतिथी संतोष आमने, उपाध्यक्ष नगरसेवक प्रफुल चटकी,नगरसेवक विनोद वानखेडे, अविनाश सिद्धमशेट्टीवार, भद्रावती ऑटो रिक्षा संघटनेचे अध्यक्ष बाळू उपलंचीवार, उपाध्यक्ष संमोहन केशवन, सचिव प्रकाश मेंढे, संघटनेचे सदस्य राहुल रामटेके, राजेश बाळप्पा, राजू सपकाळ व संघटनेचे इतर सदस्य उपस्थित होते.
===Photopath===
160621\1356-img-20210616-wa0002.jpg
===Caption===
ऑटो रिक्षा चालकांना किराणा किट वाटप करताना अनिल धानोरकर ,संतोष सामने