चंद्रपूर : मनसेतर्फे गरजूंना ऑक्सिजन सिलिंडर, मोफत रुग्णवाहिका उपलब्ध करुन देण्याचा उपक्रम कोरोनाकाळापासून अविरत सुरु आहे. आता पुन्हा सामाजिक बांधिलकी जोपासत मनसेचे नेते अमित ठाकरे यांच्या वाढदिवसाचे औचित्य साधून जिल्हा सामान्य रुग्णालयासमोर असलेल्या रुग्णांच्या नातेवाईकांना बेडशिट तर चंद्रपूर जिल्हा कारागृहातील बंदिवानासाठी कारागृह अधीक्षक डॉ.आत्राम यांच्या उपस्थितीत सॅनिटायझर व हॅन्डग्लोजचे वितरण करण्यात आले.
जिल्ह्यात कोरोना रुग्णांची संख्या वाढत असल्याने अनेकांना ऑक्सिजनची कमतरता भासत होती. त्यामुळे मनविसेचे जिल्हा अध्यक्ष राहुल बालमवार यांच्या पुढाकाराने गरजूंना मोफत ऑक्सिजन सिलिंडरचा पुरवठा करण्यात येत आहे. तसेच कोरोना बाधिताना रुग्णालयातच पोहचविण्यासाठी मोफत रुग्णवाहिका उपलब्ध करुन देण्यात आली. कोविड रुग्णालयाच्या समोर रुग्णांच्या नातेवाईकांना झोपण्यासाठी अंथरुण नसल्याने ब्लॅकेटचे वितरण करण्यात आले. यावेळी मनविसे जिल्हाध्यक्ष राहुल बालमवार, मनसे जिल्हाध्यक्ष दिलीप रामेडवार, महिला सेना जिल्हा उपाध्यक्ष शोभा वाघमारे, ग्रा.पं. सदस्य तथा मनविसे तालुका अध्यक्ष विवेक धोटे, ग्रा.पं. सदस्य नितीन टेकाम, मनविसे उपजिल्हाध्यक्ष कुलदीप चंदनखेडे, शहराध्यक्ष नितीन पेंदाम, तालुका सचिव करण नायर, शहर उपाध्यक्ष सुयोग धनवलकर, रुग्णमित्र कृष्णा गुप्ता, चैतन्य सदाफळ आदी उपस्थित होते.