सास्ती : आमदार सुभाष धोटे अध्यक्षतेखाली तहसील कार्यालय राजुरा येथे तहसीलदार हरिश गाठे यांच्या उपस्थितीत तालुकास्तरीय व नगरपालिकास्तरीय सार्वजनिक वितरण प्रणाली कार्यक्षमता समिती सदस्य व रास्तभाव दुकानदार यांची सभा घेण्यात आली.
यावेळी आमदार धोटे यांनी नागरिकांना वेळेवर व विना तक्रार धान्याचा पुरवठा करण्यासंबंधी अन्न पुरवठा विभाग व स्वस्त धान्य दुकानदारांना सूचना देण्यात आल्या.
यावेळी दुकानदार व समिती सदस्य यांनी मौखिक समस्या सुभाष धोटे यांच्यासमोर मांडल्या. आलेल्या समस्यांचे निराकरण करण्याच्या सूचना अन्न पुरवठा विभागाच्या अधिकाऱ्यांना देण्यात आल्या.
राजुरा तालुक्यातील रास्तभाव दुकानदरांमार्फत संगणकीकरण शिधापत्रिकाधारकांना फेब्रुवारीचे ९७ टक्के धान्य वाटपाबाबत आमदार धोटे यांनी समाधान व्यक्त केले. तालुक्यात एकूण १०८ रास्तभाव दुकाने कार्यान्वित असून शिधापत्रिकांमध्ये पूर्ण शंभर टक्के आधार कार्ड संगणकीकरण झाले असल्याची माहिती सांगण्यात आली.
यावेळी राजुरा नगरपरिषदेचे अध्यक्ष अरुण धोटे, मुमताज अब्दुल जावेद, संवर्ग विकास अधिकारी ओमप्रसाद रामावत, रंजन लांडे, सविता गंभीरे, विकास राजपूत उपस्थित होते.