उत्तम तायडे हा युवक मोटारसायकलने मित्रासह माणिकगड गेट कडून येत होता. विरुद्ध दिशेने ट्रक येणाऱ्या एचएच ३४ एबी १३९१ क्रमांकाच्या ट्रक व दुचाकीमध्ये धडक झाली. यामध्ये उत्तम गंभीर जखमी होऊन त्याचे दोन्ही पाय निकामी झाली. मागे बसलेला युवक बाजूला पडल्याने तो थोडक्यात बचावला. उत्तमला ग्रामीण रुग्णालयात उपचारार्थ नेले असता, डॉक्टरांनी त्याला नागपूरला हलविण्यास सांगितले. नागपूर येथे घेऊन जात असताना, रस्त्यातच उत्तमची प्राणज्योत मालवली. दोन महिन्यांपूर्वी त्याचे लग्न झाले होते. सुखी संसार सुरू असताना काळाने घात केला. या घटनेने परिसरात हळहळ व्यक्त केली जात आहे.
सहा महिन्यांपासून रस्त्याचे काम संथगतीने
माणिकगड गेट ते पेट्रोल पंप चौक या रस्त्याचे काम संथगतीने सुरू आहे. मागील सहा महिन्यांपासून रस्त्यासंदर्भात अनेक निवेदने देण्यात आली. कामाला तत्काळ सुरू करण्यात यावे, यासाठी नागरिकांकडून वारंवार सार्वजनिक बांधकाम विभागाला सांगण्यात आले. ढिसाळ नियोजनामुळे एका युवकाला आपला जीव गमवावा लागला.