बाॅलिवूडच्या सुरेल स्वरात चंद्रपूर हेरिटेज वॉक

किल्ला परकोटवरून पर्यटन करताना गोंडकालीन इतिहास, गोंडकालीन आख्यायिका सोबतच शहरातील अन्य वास्तूची माहिती, वेगवेगळा कार्यकाळ, युद्ध तसेच किल्ला स्वच्छता उपक्रमाची माहिती देण्यात आली. स्वच्छतेच्या आधी आणि त्यानंतर झालेल्या बदलाची सचित्र माहिती दाखविण्यात आली. उरी-द सर्जिकल स्ट्राईक या चित्रपटात मंजर हे गीत गाणारे शांतनु यांनी काही निवडक हिंदी गाणी सादर केली. हेरिटेज वॉकमध्ये आयुक्त राजेश मोहिते सहभागी झाले होते. गोंडकिल्ले व इतर ऐतिहासिक वास्तूमुळे शहराला महत्त्व आहे. नागरिकाच्या प्रयत्नातून सुरू असलेले उपक्रम अनन्यसाधारण आहेत. या कामात महानगरपालिका हातभार लावत आहे. शहरातील पर्यटन विकासाच्या दृष्टीने आवश्यक प्रयत्न करू, असे आश्वासन आयुक्त मोहिते यांनी दिली. पुरातत्त्व विभागाचे वरिष्ठ अभियंता कॅम्पेगौडा म्हणाले, इको-प्रो सुरू केलेल्या स्वच्छता, पर्यटन या कामात भारतीय पुरातत्त्व विभाग सहभागी आहे. हेरिटेज मार्गातील अडचणी दूर करून हा पर्यटन मार्ग सुरक्षित करण्याच्या दृष्टीने प्रयत्न केले जाईल, हेरिटेज वॉकमध्ये अब्दुल जावेद संचालित नटराज डान्स इन्स्टिट्यूटचे विद्यार्थी व पालक, डेबू सावली वृद्धाश्रमाचे सुभाष शिंदे, रमेश मुलकलवार, प्रशांत शिंदे सहभागी झाले होते. आयोजनासाठी नितीन रामटेके, धर्मेंद्र लुनावत, अभय अमृतकर, प्रमोद मलिक, संजय सब्बनवार, जयेश बैनलवार, सौरभ शेटे यांनी सहकार्य केले.